YEHEZKIEL 23:14 - Alkitab Singog In Mongondow Masa In Tanaa

^14-15 Koonggot-koonggot koromú-koromúdon in ki Oholiba. Totokbí in moibog in sia kon gambar mita inta kinurig kon dinding, bo inta cinet in nopura ná dugú. Gambar mita tatua in nobaḻí lambang itoi mita in tontara in Babel takin nogibaan in baan mogaga bo bogot in uḷu inta oyúon in ḷambe-ḷambénea.

YEHEZKIEL 23:14 Mawu Ofanana

YESAYA 46:1

Naa in kopaḷutan in dewa mita in Babel; dungkuḷmai patong i Bel bo i Nebo sinumba, táe tanaa in dinatogdon kon ḻikud in bobiagon, nobaḻí dodiaan in bobiagon inta moḷopí.

YEREMIA 22:14

Moboditodon in intau inta noguman, “Posindogonku in komaḻig inta moḷoben takin yuangnea mita inta mooḷad kon ḷandakan kon ḻimonikan,” bo kon komaḻig tatua pinogaidannea kon jandela mita takin bongkow nongkon kayu ḷokuyú in Libanon, bo cinetnea in nopura.

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YEHEZKIEL 16:29

Bo nobaḻí in iko sundaḷ kon intau in Babel, bangusa mododagang tua. Táe mosia in diá doman nokopoorop kon ibogmu.”

YEHEZKIEL 23:13

Inontong-Ku kon ki Oholiba in totuu mokotor ná ki guya-guyangnea.

YEHEZKIEL 23:23

Sipunon-Ku bo diaan kon inimu in bayongan in intau kinoibogmu nongkon Babel, Pekod, Soa, Koa, Asyur, bo intau mita in Kaldea. Diaan-Ku poangoi kon inimu in tayowmobiag mita inta mongoḷunat inta pangkat mongoḷantud, intau moḷoben, pojabat moḷantud bo itoi mita in tontara inta tumotakoi kon kabaḷo.

YEHEZKIEL 8:10

Dá akuoi in sinumuot doman bo noindoi. Dinding mita in yuang tatua ginambaran in noyagi-yagimai in uḷag bo mahaḷuk mita haram ibanea, bo noyagi-yagimai doman in gambar berhala inta sinumba in intau mita in Israel.

NAHUM 2:3

Kaḻeaw in musung nopura in batangannea, bo soragamnea in naonda bo dugú. Musung in nosadiadon modakop. Naonda bo tuḷú, uatoi in keretanea mopouḻi-uḻinag. Bayongan in kabaḷonea ḷumangka-ḷangkad.