YEHEZKIEL 23:10 - Alkitab Singog In Mongondow Masa In Tanaa

¹⁰ Pinakisa monia in sia pinilangan, bo iḻimod in kedang, bo ki adínea mita in inagow. Kon ondakabí yo ukurnea tatua tantú oumanon in bobay mita.

YEHEZKIEL 23:10 Mawu Ofanana

YEREMIA 4:30

Ei Yerusalem, iko in sinaḷáandon bo diádon mokopongonu! Onubí in mangaḻenea in mogiḷambung in ḷambung nopura bo moḷambá kon awak mopomaké in buḷawan bo saḷaka, poḷat moponggares in cilá kon mata? Diábí in mangaḻenea in iko in mopogaga in pogotmu, sin intau mita inta kinotabimu in doí bidon kon inimu, nodapotbí in mosia in moibogbí morabut kon nyawamu.

YEHEZKIEL 23:18

Nopaḷut mako kon tua diádon inumado-adop in sia in sumundaḷ bo mopoontongdon in awaknea kon intau mita. Mobú in Akuoi in mokoontong kon inia, ná kobú-Ku mokoontong kon i guya-guyangnea.

YEHEZKIEL 23:29

Popisí in doí in mosia kon inimu, bayongan in siniḷopíanmu in agowonbí monia. Iko in taḷaanbí diá koḷambu-ḷambung saḷaku sundaḷ bo indoianmai in bayongan in intau. Ḷanuan in ibog bo kotormu tuata

YEHEZKIEL 23:48

Kon sinangkub in butá naa inggamáan-Kubí modait in aid mokotor ná tatua. Aid-Ku tua in mobaḻí tompoingat kon bayongan in bobay sinbá diá mokituaḻing ná doyowa mogutat tatua.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.