YEHEZKIEL 22:25 - Alkitab Singog In Mongondow Masa In Tanaa

²⁵ Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 22:25 Mawu Ofanana

DATU MITA IMITÁNEA 22:23

Onda intua ki Mikha in noguman, “Uḻe, tua in mobaḻí! Binaḻídon i Tuhan sinbá nabi mita i tuang datu in nonguboḷ kon i tuang datu sin sinantúdon i Tuhan kon mopoḷabú in bodito kon i tuang datu!”

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YEREMIA 11:9

Onda intua ki Tuhan in noguman bui kon inakó, “Intau in Yohuda bo intau in Yerusalem aindon noyopopog moḷawang kon i-Nakó.

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

YEHEZKIEL 13:2

“Ei intau inta ilo-ilow, torúaidon in nabi mita in Israel inta mosingog kon toḻindap monia tontaní. Pokiindongogaidon in mosia in tosingogon-Ku.”

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

YEHEZKIEL 34:3

Susunea in inumon monimu, bubuḷnea in pomiaan monimu ḷambung, bo domba inta totok in moḷongó in ratáan monimu bo kaanon. Diábí kon dodai in onda in tompiaanmai monimu in dombamu mita.

HOSEA 6:9

Imang mita kon kotá tatua in naonda bo topaanan in mogogagow inta noḷabot kon intau inta noitaḻib. Kon daḷan inta mopobayá ná kotá inta motusi kon Sikhem yo moḻimodbí doman in mosia! Bayongan in aid moraat tatua in tuodonbí monia aidan.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MARKUS 12:40

Mosia in monguboḷ kon intau mita inta dongkadon boba-bobay bo mogagow kon baḷoi monia. Aid mita monia moraat oḻingoian monia in sambayang inta mobanat. Mosia tua in notantú bidon kon motarimabí kon hukuman inta moiḻiu in bogat!”

LUKAS 20:47

Mosia tua mongongakaḷ kon intau inta dongkadon boba-bobay bo mogagow kon baḷoi monia. Bo oaid monia inta moraat tatua oḻingoian monia in sambayang inta moḷanggó! Hukuman kon i monia tua in nopastibí kon mobogat totok!”

WAHYU 13:11

Bo akuoi in buidon nokoontong kon tobatú mahaḷuk ibanea inta noitukat nongkon bonu in butá. Doyowa in tungoinea, naonda bo tungoi in ki adí in domba. Singognea naonda bo singog in naga.

WAHYU 13:15

Mahaḷuk tatua inogoian doman in kawasa mobogoi in nyawa kon patong tatua, sahingga in motaaudon mosingog in patong tatua bo moḻimod kon bayongan in intau inta doí mosumba kon inia.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 18:13

Kuḻit in kayu manis, pododungú mita, bahan mita mobondu, taḷong mobondu bo kamania, anggur bo ḷana, topong bo gandum; sapi, domba, kabaḷo bo kereta, ata mita, nodapot kon nyawa in intau.