YEHEZKIEL 22:19 - Alkitab Singog In Mongondow Masa In Tanaa

^19-20 Dá tanaa, Akuoi, ki Tuhan Inta Totok in moḷantud, moguman kon i monia kon mosia in naondadon bo logam inta diá in mangaḻenea tua. Naonda bo saḷaka, porunggu, uatoi, tangat morondí, tangat mobudó binonu kon pototubáan sin pomurnion, natua doman in mosia sipunon-Ku bo diaan kon Yerusalem. Torú-Ku inta motoyang tua in mopoḷoḷayat kon i monia naonda bo mopoḷoḷayat in logam mita tatua.

YEHEZKIEL 22:19 Mawu Ofanana

MAZMUR 119:119

Bayongan in intau moraat in inanggapkubí yoyatan, tuamai in akuoi in moibog kon atorang-Mu mita.

YESAYA 1:25

Aidan-Kubí intua kon i monimu. Naonda bo intau motubá kon logam, moiko in tubáan-Ku; bayongan inta nokotor ḷumbúon-Ku nongkon inimu.

YEHEZKIEL 11:7

Tuamai, Akuoi, ki Tuhan Inta Totok in moḷantud, moguman kon inimu: Totuu, kotá tanaa in kuyonbí, táe ponoyá kon bonunea in deemanbí moiko, táe mayatbí in intau mita inta ain iḻimod monimu! Bo moiko in untunon-Kubí ḷumuai nongkon kotá tanaa!

YEHEZKIEL 22:18

“Ei intau ilo-ilow, intau mita in Israel tua in diábí in mangaḻenea kon i-Nakó. Mosia tua naonda bo apat logam noyobauk, naonda bo tambaga, tangat, uatoi bo tangat morondí inta kinotaḷáan naonda in saḷaka pinomurnidon kon bonu in tuḷú.

MIKHA 4:12

Táe bangusa mita tatua in diábí nonotaau kon onu inta sinomayá i Tuhan. Diábí kinotaauan monia kon mosia tua in sinipun-Neadon sin hukumon, notongkai in gandum sinipun sin ḻintogon.

MATIUS 13:30

Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”