YEHEZKIEL 22:15 - Alkitab Singog In Mongondow Masa In Tanaa

¹⁵ Porariton-Kubí in intaumu mita kon sinangkub in butá bo bangusa, bo popogogaion-Kubí in aidmu inta moraat tua.

YEHEZKIEL 22:15 Mawu Ofanana

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

YESAYA 1:25

Aidan-Kubí intua kon i monimu. Naonda bo intau motubá kon logam, moiko in tubáan-Ku; bayongan inta nokotor ḷumbúon-Ku nongkon inimu.

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 22:18

“Ei intau ilo-ilow, intau mita in Israel tua in diábí in mangaḻenea kon i-Nakó. Mosia tua naonda bo apat logam noyobauk, naonda bo tambaga, tangat, uatoi bo tangat morondí inta kinotaḷáan naonda in saḷaka pinomurnidon kon bonu in tuḷú.

YEHEZKIEL 22:22

Naonda bo saḷaka iḷoḷayat kon bonu in tuḷú, yo natua doman in mosia poḷayaton kon Yerusalem. Dá kotaauandon monia kon Akuoi, ki Tuhan, ain nopoḷuai in torú-Ku kon i monia.”

YEHEZKIEL 23:27

Natuata in aid-Ku mopogogai in ḷanuan in ibogmu bo bayongan in tuaḻing inta pinomiamu kon dodai in iko kon Mesir. Diá bidon in kamangmu kon berhala onuka andeka mokotoropa kon Mesir.”

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

YEHEZKIEL 36:19

Mosia in ihukum-Ku pinodoyon kon kobobiag bo dodia monia, bo pinorarit-Ku in mosia kon butá mita in intau ibanea.

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

MALEAKHI 3:3

Sia in mamangoi sin mohakim, naonda bo intau inta mondarit bo mopomurni in saḷaka. Naonda bo intau momomia kon logam mopomurni in buḷawan bo saḷaka, natuata in totabá i Tuhan in mopomurni in imang mita sinbá mosia in moposumba in kuruban mita podudui kon onu inta kinoibog i Tuhan.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

PETRUS 1 4:12

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu.