YEHEZKIEL 22:13 - Alkitab Singog In Mongondow Masa In Tanaa

¹³ Táe tanaa in bongkugon-Kudon in mogogagow bo moḷoḻimodmu.

YEHEZKIEL 22:13 Mawu Ofanana

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

YEHEZKIEL 21:14

Yo, intau ilo-ilow, ponoḻindapdon. Tokapdon in ḻimamu, saḷaku tomponuot kon kedang tatua in momangkoidon moḻimod. Kedang tatua in totokbí in mokoondok.

YEHEZKIEL 21:17

Akuoi in monggoḷakapbí doman, bo moinggamádon in torú-Ku. Akuoi, ki Tuhan ain nosingog.”

YEHEZKIEL 21:19

“Ei intau ilo-ilow, gambardon in daḷan doyowa inta motaau bayáan i datu in Babel inta kodia-dia in kedangnea. Daḷan doyowa tatua in musti pangkoion kon ḻipú tobatú tatua; daḷan tobatú in mopobayá ná Raba, kotá in Amon; bo inta tobatú in mopobayá ná Yerusalem, kotá inta oyúon in benteng kon Yohuda. Pais kon kayu in totundú in daḷan kon onda in poyotangaan.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

PINOGIAPAN 24:10

Sinumorú in ki Balak bo nongurongkom kon koyungkumnea poḷat noguman kon i Bileam, “Iko inoiníku sin mongutuk kon musungku mita, táe naa in kotoḷumudon binarakatan in mosia.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.