YEHEZKIEL 22:11 - Alkitab Singog In Mongondow Masa In Tanaa

¹¹ takin i buḷoi bobay intau andeka i mototakanea andeka i ai-ainea inta diá nogaḷum kon iná.

YEHEZKIEL 22:11 Mawu Ofanana

SAMUEL 2 13:1

Ki Absalom adí ḷoḷaki i Daud kogai-gai kon mongodeaga inta moḷunat totok, ki Tamar in tangoinea. Ki Amnon ki adí ḷoḷaki i Daud kon bobay ibanea, noibog kon i Tamar

SAMUEL 2 13:11

Táe naonda in pinoyoyok i Tamar in kukis tatua kon inia, kinadaian i Amnon in mongodeaga tatua poḷat noguman, “Ai-aiku, koḻigai mosiug takinku!”

SAMUEL 2 13:14

Táe doí in ki Amnon mokidongog kon singognea tua, bo popisí in sia in moropo-ropot, dá dinomokneadon in ki ai-ainea tatua, bo pinakisanea siniugan.

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YEHEZKIEL 18:11

inta diá kon dodai in onda in pinomia i amánea. Nokaan in sia kon kuruban sosumba kon tampat mita pososumbaan kon dewa mita. Sia in nodondouḷug poḷat nosiug noyotakin i buḷoi in intau ibanea.

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 33:26

Moiko in mopongatabí in kedangmu. Aidmu mokorongó. Moiko komintan nonuaḻing. Mokobaḻípa degá in moiko moguman kon butá tanaa moiko in kitogi?

IMAMAT 18:15

Dika siuganmu in ki mototakamu

IMAMAT 18:20

Dika mosiug takin ki buḷoi intau ibanea; oaid tatua mokopopisí kon inimu monajis.

IMAMAT 18:6

Ki Tuhan nobogoi in atorang mita tanaa: Dika siuganmu in ginaḷummu.

IMAMAT 18:9

Dika siuganmu in ki utatmu bobay ande ki utatmu uatok, pinomayá inta pinoyobiag takinmu ande inta diá pinoyobiag takinmu.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

IMAMAT 20:12

Aka intau tobatú mosiug takin i mototakanea bobay, dá intau doyowa tatua musti hukumon matoi. Mosia aindon nonuaḻing, bo mosia minatoi popisí in taḷá monia tontaní.

IMAMAT 20:17

Aka ḷoḷaki tobatú mosiug takin i bobaynea ande takin ki bobaynea inta toamáan táe noyoposi kon iná ande toináan táe noyoposi kon amá, dá mosia tua in diádon iapon umat-Ku. Mosia aindon nomia kon oaid inta moraat totok bo musti motarima kon bungai in oaidnea.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

GALATIA 5:19

Ibog in awak naa ontongon bidon kon oaid mita inta diá mopia, bo moraat bo inta diá doman patus aidan in intau.

ULANGAN 22:22

Aka ḷoḷaki tobatú kinoumaan koyogot in nosiug takin ki buḷoi in intau ibanea yo taya dua tua tumpaḷa hukumon matoi. Aid monimu natua monginggamá kon inta moraat tatua.

ULANGAN 27:22

‘Kinutuk in intau inta nosiug takin i utatnea totok bobay, ande ki utatnea inta toamáan ande toinaan.’ ‘Amin!’

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.