YEHEZKIEL 22:10 - Alkitab Singog In Mongondow Masa In Tanaa

¹⁰ Oyúon in modondouḷug bo mosiug takin i iná uatoknea, takin bobay inta inangoinea,

YEHEZKIEL 22:10 Mawu Ofanana

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 49:4

Iko in mogampang moḻimbok naonda bo tubig, sahingga in deemandon iko inta totok in moponting; sin iko ain nosiug takin i buḷoiku inta bobantung tua, kinotoranmudon tosiugan i amámu.

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

IMAMAT 18:19

Dika siuganmu in tobatú bobay inta inangoinea, sin sia tua in nonajispabí

IMAMAT 18:6

Ki Tuhan nobogoi in atorang mita tanaa: Dika siuganmu in ginaḷummu.

IMAMAT 20:11

Intau ḷoḷaki tobatú inta mosiug takin i buḷoi tobatú i amánea, yo sia tua nogagowdon kon hak i amánea. Ḷoḷaki bo bobay tatua in mustibí hukumon matoi. Mosia in minatoi sin pinopisí in taḷá monia tontaní.

IMAMAT 20:18

Aka ḷoḷaki tobatú mosiug kon bobay tobatú inta inangoinea, dá mosia diá bidon iapon umat-Ku.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

ULANGAN 27:20

‘Kinutuk in intau inta mopoompámai kon i amánea popisí in nosiugdon takin buḷoi tobatú i amánea.’ ‘Amin!’

ULANGAN 27:23

‘Kinutuk in intau inta nosiugdon takin i guyánea.’ ‘Amin!’