YEHEZKIEL 21:6 - Alkitab Singog In Mongondow Masa In Tanaa

⁶ Ei intau ilo-ilow, karakdon bo pogamuidon kon tayowon in intau mita in Israel, naonda bo iko in kinodaitandon in gina bo kinobuḻian in kamang.

YEHEZKIEL 21:6 Mawu Ofanana

YESAYA 16:11

Ginaku in kinumarak bo nogoguyaat in nokoontong kon kaadaan in Moab bo Kir-Heres.

YESAYA 21:3

Oontongon tatua nokotoboḻingo kon inakó nodapot in diá in nokoontong andeka mokodongogpa. Akuoi in inagían in ondok bo nakit, naonda bo bobay tobatú inta koyogot in mononggadí.

YESAYA 22:4

Dikadon taridianmu in akuoi; pomayádon mako in akuoi mogamui kon intau mita nongkon bangusaku inta ain minatoi. Dika monungkuḷ moḻipoi kon inakó.

YEREMIA 19:10

Onda intua ki Tuhan in nopotabá kon inakó noḷosi kon kendi tatua kon tayowon in intau mita inta dinumudui kon inakó.

YEREMIA 30:6

Tungkuḷaika rai bo taridi! Degá ḷoḷaki mopononggadí in adí? Aka natua, nongonu sin inontong-Ku in bayongan in ḷoḷaki nongo bilaibí bo motonoi kon siannea naonda bo bobay inta mononggadídon?

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

YEHEZKIEL 21:5

Dá kotaauandon in bayongan in intau kon Akuoi, ki Tuhan, in norabutdon kon kedang-Ku bo diábí motungkog bui.’

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 37:20

Kadaiaidon in tungkud doyowa tatua bo poontongdon kon bangusa tatua.

YEHEZKIEL 4:12

Aidaidon in tuḷú bo taai in intau in aidan ponontuḷú. Angagdon in rotimu kon tudu in tuḷú tatua bo kaandon in roti tatua kon tayowon in bayongan in intau.”

YEHEZKIEL 6:11

Ki Tuhan Inta Totok in moḷantud in noguman, “Konakitdon in gina! Pogamuidon! Pongombaḷdon totok popisí in bayongan in aid moraat bo mokorongó inta ain inaidan in bangusa in Israel. Mosia in matoibí popisí in parang, malarat in gogoy bo yampoi in takit.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

NAHUM 2:10

Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.