YEHEZKIEL 21:29 - Alkitab Singog In Mongondow Masa In Tanaa

²⁹ Oontongon inta inontong monimu in diábí totuu oontongon, bo toḻindap inta siningog monimu in diá doman totuu bo uboḷ. Moiko in moraat bo binaradosa, bo wakutu pohukuman kon inimu pangabisan in nodiugdon. Kedang tatua in momongkóbí kon sigogowmu.

YEHEZKIEL 21:29 Mawu Ofanana

AYUB 18:20

Nokodongogmai kon kobobiagnea intau mita kon toyopan noitaḻikokog, bo intau mita inta nogutun kon pomukaan nourot mako sin moondok.

MAZMUR 37:13

Táe kosinganbí i Tuhan in intau moraat, sin kinotaauan-Neabí in imbuit in kobiagan in intau tatua in nodiugdon.

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YESAYA 47:13

Iko in nororigadon popisí in nobayong in tonggina. Potabádon in mononoḻindap mita simindog moposaḷamat kon inimu; mosia inta ain nonaridi kon sinangkub in siup in ḷangit bo nobalajar kon kaadaan in tundi mita, bo kon pomuḷoi in buḷan mobagu monoḻindap kon onu inta mobaḻí ukurmu.

YEREMIA 27:9

Dikadon mokidongog kon nabi mita andeka ki ineka doman inta mongampag kon i monimu mokiompu kon i datu in Babel, umpaka in mosia ain nongaku kon notarimadon kon topotundú nongkon togoindop, dimukud mita, andeka nopomaké in totaau mita.

YEREMIA 6:7

Ná doman bokaká umuranbí mopoḷuai in tubig modarit, yo natua doman in kotá tatua umuranbí mopoaid in inta moraat. Tongá habar aid moromú bo pogagowan mita in dinongog-Ku nongkon kotá tatua; kekeb bo takit inontong-Ku kon bayongan tampat.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 12:24

Kon Israel diádon bui in oontongon andeka toḻindap diá totuu,

YEHEZKIEL 13:10

Ei nabi mita inta deeman totuu nabi! Moiko in nopoḷaḻedon kon umat-Ku pinongin tosingogon kon bayongan in yagi-yagi moaman bo notoinutdon. Bokaka diábí! Umat-Ku in noposindogdon in dinding tela inta noḷungkag in pinogogaid, onda intua namangoi in moiko bo nopocet in kapur.

YEHEZKIEL 13:23

Tanaa in mopaḷutdon in oontongon mita diá totuu bo toḻindapmu mita uboḷ. Posaḷamaton-Ku in umat-Ku nongkon tongganut moraatmu. Dá kotaauandon monimu kon Akuoibí in ki Tuhan.”

YEHEZKIEL 13:6

Oontongon mita monia in diábí totuu bo toḷanow mita monia in tongábí uboḷ. Mosia in tumangoi kon nodia kon koyow nongkon i-Nakó, bokaka Akuoi in diábí nokoimontanmai in nopotabá kon i monia. Yo naondabí in pongongamang monia kon mobaḻí in toḷanow monia?

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YEHEZKIEL 22:28

Nabi mita mobuni kon dosa mita tatua; mosia in naonda bo intau inta nocet kon dinding nokotor. Oontongon monia tua in diábí totuu oontongon, natua doman in toḻindap mita monia. Mosia in noguman kon koyow mita inta pinotaau monia in nouḻí monia nongkon i Tuhan Inta Totok in moḷantud, bokaka Akuoi in diábí nosingog kon i monia.

YEHEZKIEL 35:5

Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”