YEHEZKIEL 21:27 - Alkitab Singog In Mongondow Masa In Tanaa

²⁷ Kotá tanaa in rimumudon-Kudon komintan, dá kon ondaka oyúonbí in apug. Táe tua in mobaḻí aka intau inta piniḻí-Ku sin mohukum kon kotá tanaa in moiangoidon. Sia tuata in pobogoian-Ku kon kotá tanaa.’ ”

YEHEZKIEL 21:27 Mawu Ofanana

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

YEREMIA 33:21

Natua doman in Akuoi ain nomia kon dodandian takin i mogogundoi-Ku ki Daud, kon nongkon buínea tantúbí oyúon in intau inta mobaḻí datu, bo Akuoi in nomiadon kon dodandian takin imang mita buí i Lewi kon mosia in umuranbí mogundoi kon i-Nakó. Dodandian mita tatua in diábí motaau popatan.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YEREMIA 52:4

Tuamai ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea buḷan noginpuḷú kon taong in siownea kon pinomarentaan in Zedekia. Mosia in noposindog in markas kon ḷuai in kotá, noposindog in dinding pongopungan

YEHEZKIEL 21:13

sin koyogot-Ku tungkuḷan in umat-Ku, aka doí in mosia monompia kon dodianea, yo tua mita in mobaḻíbí kon i monia.’

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 4:2

Bo gambardon in pongopungan kon kotá tatua, takin gotnea mita, butá mita inta pinomumbun, ḷoḷaigan mita bo pakakat mita inta podumpak kon ḻibu mita in dindingnea.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

HAGAI 2:7

Bayongan in bangusa in podoḻiokon-Kubí bo kapunyaan monia in diaandon mamangoi, dá Baḷoi-Ku in mopuḻing in kaoyúonan monia.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

PINOGIAPAN 24:19

Nongkon i Yakub moitukatbí mangoi in pongawasa tobatú, inta moyompat kon musungnea mita.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

YOHANES 1:4

Pirman tatua in pangkoi in kobiagan, bo kobiagan tatua inta monimbayag kon intau.

YOHANES 1:9

Bayag totokanea inta monimbayag kon bayongan in intau, mamangoi in dunia.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.