YEHEZKIEL 21:10 - Alkitab Singog In Mongondow Masa In Tanaa

¹⁰ Sia in iḷanitan sinbá mokopatoi, iriditan sinbá mopouḻi-uḻinag. Diádon in mokoḷunganga kon umat-Ku sin bayongan in tompoingat bo hukuman ain sinaḷáan monia.

YEHEZKIEL 21:10 Mawu Ofanana

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

ESTER 3:15

Intau mita inta pinotabá iḻimikat in minayá nogatod kon surat mita tatua kon bayongan in propinsi dodatuan. Podudui kon onu inta pinoguman i datu dá parenta tatua in pinotaau doman kon Susan, ibukotá in Persia. Nopaḷut mako kon tua ki datu bo ki Haman in iḻimitú mako bo monginumai kon anggur, táe kotá in Susan in nodoḻiok popisí in habar tatua.

MOHOHUTUBA 3:4

Ki Allah in nonantú kon wakutu mongombaḷ bo wakutu kumosing, wakutu mogamui bo wakutu motayok,

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEHEZKIEL 20:47

Potabádon in kayuon tatua mokidongog kon onu in poguman-Ku ki Tuhan Inta Totok in moḷantud kon inia, ‘Indongogaidon! Poyongkiton-Kubí in tuḷú inta momokak modait kon bayongan in pangkoi in kayu inta oyúon kon inimu, pinomayá inta ain noḷaḷow andeka inta nobiagpa. Tuḷú inta nodokot tua in diábí kopiongan. Sia in ḷumekepbí nongkon toḷatan mopobayá ná utuan, bo bayongan in intau in mokorasabí kon patúnea.

YEHEZKIEL 21:11

Kedang tatua in inatá sinbá umuran motaau pakéon bo inogoi kon moḷoḻimod tobatú.

YEHEZKIEL 21:4

Kedang-Ku in pakéon-Ku ponayow-Ku kon bayongan in intau nongkon utuan nodapot in toḷatan.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

NAHUM 3:3

Tontara mita inta sinumakoi kon kabaḷo monubu imibo-ibog, kedang monindar bo pandong in mopouḻi-uḻinag. Intau matoi diádon koiapan, mayat monia moyo-moyoguntuḷ, dá intau mita in moipintudon.

HABAKUK 3:11

Sindar in piotnea mita moḻikat totok, ginubat-Mu mopouḻi-uḻinag, dá nogogaidon in mata in singgai bo buḷan kon tampatnea.