YEHEZKIEL 20:7 - Alkitab Singog In Mongondow Masa In Tanaa

⁷ Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 20:7 Mawu Ofanana

TAWARIKH 2 15:8

Naonda in kinodongogan i Asa in tosingogon i Azarya ki adí i Oded tua, nomukádon in baraninea. Noḷumbúdon in sia kon bayongan in berhala kon butá in Yohuda bo Benyamin, bo kon kotá mita inta ain sinaḷownea kon Buḷud in Epraim, bo sinompianeadon in Mezbah i Tuhan inta kon palas in Baḷoi Tuhan.

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.

YESAYA 31:7

Moiangoibí in wakutunea moiko komintan moḷumbú kon patong mita berhala nongkon saḷaka bo buḷawan inta pinomia monimu tontaní takin nopuḻing in dosa.

YEHEZKIEL 14:6

Potaaudon doman kon intau in Israel kon Akuoi, ki Tuhan Inta Totok in moḷantud in noguman kon i monia, ‘Potobatdon nongkon dosamu mita, bo taḷaaidon in berhalamu mita inta mokototuka tatua.’

YEHEZKIEL 18:15

Doíbí in adí tatua mosumba kon berhala in intau in Israel, andeka mokaan kon kuruban sosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau,

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

YEHEZKIEL 23:3

Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

YEHEZKIEL 23:7

Takin intau mita moḷoben tatua ki Ohola nonuaḻing. Popisí in sia totok in moibog mosiug takin monia, dá pinonajisneadon in awaknea pinongin nosumba kon berhala mita monia.

YEHEZKIEL 23:8

Sia in umuranbí sinumundaḷ ná dungkuḷmai wakutu in kon Mesir, kon tampat inta dungkuḷ sia nosiug takin ḷoḷaki. Pinangkoi kon sia mongoadípa, sia in siniugandon bo pinomia saḷaku sundaḷ.

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

IMAMAT 11:44

Akuoi naa in ki Tuhan Allahmu, tuamai ḷukadaidon sinbá moiko umuran motusi, sin akuoi naa in motusi.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

IMAMAT 18:2

mopotaau kon bangusa Israel in parenta tanaa, “Akuoi naa in ki Tuhan Allahmu.

IMAMAT 18:3

Dikabí dumayan kon dodia intau kon Mesir, tampat inta perna pinogutunan monimu, ande dodia in intau Kanaan, inta pinodiaan-Ku kon i monimu masai naa.

IMAMAT 20:7

Ḷukadai sinbá moiko umuran motusi, sin Akuoi in ki Tuhan Allahmu.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.