YEHEZKIEL 20:5 - Alkitab Singog In Mongondow Masa In Tanaa

⁵ Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

YEHEZKIEL 20:5 Mawu Ofanana

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

MAZMUR 103:7

Sia in moponiata in tomayá-Nea kon i Musa bo oaid-Nea mita kon bangusa in Israel.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

IḶUAIAN 6:2

Akuoi nokipogontong kon i Abraham, kon i Ishak bo kon i Yakub mobaḻí ki Allah Inta Totok in Mokawasa, táe Akuoi in diábí ginumuman kon i monia takin tangoi ki ‘Tuhan’.

IḶUAIAN 6:3

Akuoi nomia doman kon dodandian takin i monia. Akuoi nodandi kon Akuoi in mobogoi kon butá in Kanaan kon i monia, butá tampat kinobiagan monia nobaḻí intau ango-angoi.

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 35:11

Tuamai, podoyon kon tangoi-Ku, ki Allah Inta Totok in moḷantud, tuḻían-Kubí in iko, popisí in sinumorú in moiko, nointoi bo nondoí kon umat-Ku. Kotaauanbí monia kon moiko in hukumon-Kubí popisí in aidmu kon i monia.

YEHEZKIEL 47:14

Akuoi in nongibotdon kon butá tatua in ogoi-Kudon kon mogoguyangmu. Tuamai in gamádon in butá tatua bo silaidon koadilon kon sigad monimu.

DANIEL 12:7

Intau ibanea tatua in nopotundú in ḻimanea doyowa nosimpaḷ ná ḷangit. Dinongogku in sia nongibot pinodoyon kon i Allah inta mononoi bo noguman, “Bayongan inta nobaḻí tatua in modapotbí in toḷu notaong kapin. Naonda in mopaḷut mako in pomogutúan kon umat i Allah mopaḷut, dá mopaḷut domandon in inta mokoherang mita tatua.”

IMAMAT 18:2

mopotaau kon bangusa Israel in parenta tanaa, “Akuoi naa in ki Tuhan Allahmu.

MARKUS 13:20

Aka kuma bo diádon impoḷokan i Allah i wakutunea tatua, dá diábí in tobatúmai in mosaḷamat. Táe popisídon in umat-Nea, dá impoḷokan i Allah in wakutu-Nea.

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

ULANGAN 7:7

Moiko kinotabi bo piniḻí i Tuhan, deemanbí popisí in moiko in moḷobe-ḷoben nongkon bangusa mita ibanea; totuubí kon moikobí nion in bangusa inta totok in mointok kon dunia naa.

WAHYU 10:5

Bo malaekat inta inontongku in sioḷnea nomuntuk kon dagat bo kon toba nopotonggó in ḻimanea koḷanan kon ḷangit.

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!