YEHEZKIEL 20:38 - Alkitab Singog In Mongondow Masa In Tanaa

³⁸ Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 20:38 Mawu Ofanana

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

YEREMIA 29:32

bo popisí in sia ain nopotabá kon i monimu moḷawang kon i-Nakó, dá Akuoi in mohukumbí kon inia bo buínea. Diábí tobatúmai in nongkon sigad monia inta mogutunpa kon sigad monimu sin moindoi kon inta mongopia inta aidan-Ku kon bayongan umat-Ku. Akuoi, ki Tuhan, ain nosingog.”

YEREMIA 44:14

Bo intau in Yohuda inta ki agatnea, inta ain minayá in Mesir sin mogutun kon tua, diábí tobatúmai in mokoḷagui andeka mobiag. Diábí tobatúmai in kon sigad monia in mobuipa mangoi kon Yohuda, umpakabí tua in totok in koibog monia. Totuu, diábí in mobui koḻikudbí in inta moḷoḷagui.”

YEHEZKIEL 11:21

Táe intau mita inta moibog mosumba kon berhala mita inta moraat bo mokorongó in hukumon-Kubí popisí in dodia monia inta moraat tatua.” Natuata in singog i Tuhan Inta Totok in moḷantud.

YEHEZKIEL 13:9

Akuoi in mohukumbí kon i monimu, ei nabi mita inta nopotaau kon toḷanow mita uboḷ bo norai kon oontongon mita! Moiko in diá bidon motaau in dumudui mobogoi in kotantúan kon bonu in ponisigan in umat-Ku. Tangoimu mita in ginaresandon kon bonu in tangoi mita in inanakan Israel, bo moiko in diá bidon mobui mangoi kon butámu. Dá kotaauandon monimu kon Akuoibí in ki Tuhan Inta Totok in moḷantud.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:16

Indoyó-Ku tatua in siningog-Ku popisí in mosia nonaḷámai kon parenta-Ku mita, iḻimimpat kon hukum-Ku mita bo noponajis kon singgai in Sabat. Mosia in moibo-ibogbí in mosumba kon berhala mita monia.

YEHEZKIEL 23:49

Ei Ohola bo Oholiba, hukumon-Kubí in moiko popisí in moiko in nonuaḻing bo nosumba kon berhala. Dá kotaauandon monimu kon Akuoibí in ki Tuhan Inta totok in moḷantud.”

YEHEZKIEL 6:7

Kon bayongan tampat oyúon in intau in kinoḻimodan, bo mosia inta mosaḷamat in monotaaudon kon Akuoibí in ki Tuhan.

MALEAKHI 3:3

Sia in mamangoi sin mohakim, naonda bo intau inta mondarit bo mopomurni in saḷaka. Naonda bo intau momomia kon logam mopomurni in buḷawan bo saḷaka, natuata in totabá i Tuhan in mopomurni in imang mita sinbá mosia in moposumba in kuruban mita podudui kon onu inta kinoibog i Tuhan.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

IBRANI 4:3

Táe kita inta mopirisaya in umuranbí mokouḻí kon tampat pogogaian inta pinodandi i Allah tatua. Soaḷ tatua in noyokaan in onu inta siningog i Allah nanaa: “Akuoi in sinumorú bo nongibot, ‘kon mosia in diábí moituot bo mogogai moyotakin-Ku.’ ” Ki Allah in noguman natua umpaka oaidan-Nea in nopaḷutdon kon wakutupa in nomia kon dunia naa in Sia.

IBRANI 4:6

Dá mosia inta muna-munamai nokodongog kon Habar Mopia tatua, diá nokouḻí kon pogogaian tatua sin diá in mosia nopirisaya. Aka natua dá nosilang bidon kon oyúonbí in intau ibanea in motaau motarima kon pogogaian tatua.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.