YEHEZKIEL 20:35 - Alkitab Singog In Mongondow Masa In Tanaa

³⁵ Bo moiko in diaan-Ku mayá in ‘Rawang in bangusa mita’. Kon tua sisigan-Ku in moiko moyogintayow mako,

YEHEZKIEL 20:35 Mawu Ofanana

MAZMUR 74:22

Sindogdon o Allah, duḷuaidon in pelekara-Mu! Sin kinoouput in singgai Iko in singkuḻeon in intau mita inta diá mopirisaya kon ini-Mu.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YEREMIA 2:35

moiko in moguman doman kon moiko in diá kotaḷá, bo Akuoi in diá bidon sinumorú kon inimu. Táe Akuoi ki Tuhan, in mohukumbí kon i monimu popisí in moiko in doí mongaku kon moiko in kotaḷá.

YEREMIA 2:9

Ki Tuhan in noguman, “Tanaa in umat-Ku in pinelekara-Ku bui, bo buínea in sisigan-Ku.

YEREMIA 25:31

Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”

YEREMIA 31:2

Kon padang gurun Akuoi ain noponiata in tabi-Ku kon i monia inta ain noiḷagui kon popatoi. Kon dodai in umat in Israel notayak kon koodoman,

YEHEZKIEL 17:20

Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.

YEHEZKIEL 19:13

Tanaa in pinomuḷadon in sia kon rawang in bungaion, kon butá noingkag bo diá kotubig.

YEHEZKIEL 20:36

ná inta ain inaidan-Ku kon mogoguyangmu kon Rawang in Sinai. Akuoi ki Tuhan Inta Totok in Moḷantud ain nosingog.

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

YEHEZKIEL 38:8

Tongonupamai notaong sia in parentaan-Kudon monubu kon butá tobatú takin intaunea inta ain sinipun nongkon sigad in nobayong in bangusa bo inta kon singgai noiduduimai mogutun kon butá tatua takin moodom. Ki Gog in mongawasabí kon buḷud mita in Israel inta noonggotdon in noingongow bo nopuḻingdon in apug mita, táe tanaa inutunandon in rayat mita inta nobiagdon noodom.

HOSEA 2:14

Ki Tuhan in noguman, “Tuamai in Akuoi in modiabí kon inia mayá in padang gurun; kon tua sia in dondouḷugan-Kubí pongin tosingogon mita in oibogan.

HOSEA 2:16

Bo tangoionneadon in Akuoi ki buḷoinea, bo deemandon Baalnea.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

WAHYU 12:14

Táe bobay tatua inogoiandon in koḻikip doyowa. Koḻikip in boniá moḷoben, sinbá ḷumayug in sia mayá in tampatnea kon padang gurun, tampat inta poḷukadan kon inia kon bonu in toḷu notaong kapin, sin pomiḷagui kon uḷag.

SAMUEL 1 12:7

Tanaa, in dikapa mayá. Akuoi in mopotaaudon in taḷá monimu kon tayowon i Tuhan. Toropdon kon bayongan totabi Tuhan inta ain pinoontong-Nea kon inimu bo kon mogoguyangmu.