YEHEZKIEL 20:28 - Alkitab Singog In Mongondow Masa In Tanaa

²⁸ Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 20:28 Mawu Ofanana

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

DATU MITA 2 17:10

Kon tudu in batúan buḷud bo kon siungon in bayongan in kayu inta mongobambar, noposindog in mosia in tugu mita bo patong mita i Dewi Asyera.

DATU MITA 2 17:9

bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEREMIA 32:30

Pinangkoipamai kon kinobobiag monia, intau in Israel bo intau in Yohuda ain nogaid kon inta diá nokopia kon gina. Mosia in nopomuká in torú-Ku pinongin aid mita monia inta moraat.

YEHEZKIEL 16:19

Inogoian-Ku in iko in kaanon torigu inta totok in mopia, biluk bo ḷana in zaitun inta nodarit. Táe tua mita pinosumbamubí kon berhala mita tatua sin moposanang in gina monia. Akuoi ki Tuhan Inta Totok in moḷantud ain nosingog.

YEHEZKIEL 16:24

Apa doman, kon rawang mita in kotá bo kon bingkí mita in daḷan pinoposindoganmudon in tampat mita pososumbaan kon berhala bo sumundaḷ.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:29

Akuoi in noḻibó kon i monia, ‘Tampat mita moḷantud onu inta binayáan monimu tatua?’ Dá pinangkoi kon dodai intua tampat mita tatua sinangoian ‘Tampat mita moḷantud’.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

YEHEZKIEL 6:13

Mayat mita in posiraritdon kon sigad in berhala mita bo kon diugmai in mezbah mita, moiukat mako kon batúan in tombuḷud inta moḷantud, bo kon tudu in buḷud mita, kon siungon in pangkoi in kayu inta mobambar bo kon batúan in pangkoi in kayu inta moḷoben; impoḷok mako in singog, kon ondakabí in potubáanmai monia kon kuruban ogoi kon berhala monia. Dá kon batúan in intau monotaaudon kon Akuoibí in Tuhan.

IMAMAT 17:5

Makusud in parenta tanaa in bá bangusa Israel modia mopoangoi kon Ḷoḷaigan i Tuhan in bayongan mahaḷuk inta baḻíon sosumba monia inta biasamai ratáan monia kon gobá. Mosia in mustibí modia kon sosumba monia tatua kon i imang kon tayowon ngara in Ḷoḷaigan i Tuhan bo ratáan kon tua mobaḻí kuruban dodamean.

YOSUA 23:14

Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.