YEHEZKIEL 20:15 - Alkitab Singog In Mongondow Masa In Tanaa

¹⁵ Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:15 Mawu Ofanana

MAZMUR 106:26

Dá takin ibot Sia in nodandi kon moḻimod kon i monia kon padang gurun.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 20:42

Aka moiko bo diaan-Kudon mobui kon butá in Israel, butá inta pinodandi-Ku kon mogoguyangmu, yo kotaauandon monimu kon Akuoibí in ki Tuhan.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

YEHEZKIEL 44:12

Táe popisí in mosia ain nomia kon upacara posumbaan kon berhala sin kopontingan in bangusa in Israel, bo pinongin aid monia tatua mosia in nokopopisídon kon bangusa tatua nogaid kon dosa, dá Akuoi, ki Tuhan Inta Totok in moḷantud, mongibot kon mosia in mustibí hukumon.

IBRANI 3:11

Akuoi sinumorú bo nongibot, ‘Mosia tua in diábí moituot kon butá tatua bo mogogai moyotakin-Ku.’ ”

IBRANI 3:18

Bo ki ine doman degá in pinopomakusudan i Allah in ibot-Nea nanaa: “Mosia tua in diábí moituot kon butá tatua bo mogogai moyotakin-Ku” Tantú intaubí mita inta nomarontakdon kon i Allah?

IBRANI 4:3

Táe kita inta mopirisaya in umuranbí mokouḻí kon tampat pogogaian inta pinodandi i Allah tatua. Soaḷ tatua in noyokaan in onu inta siningog i Allah nanaa: “Akuoi in sinumorú bo nongibot, ‘kon mosia in diábí moituot bo mogogai moyotakin-Ku.’ ” Ki Allah in noguman natua umpaka oaidan-Nea in nopaḷutdon kon wakutupa in nomia kon dunia naa in Sia.