YEHEZKIEL 20:14 - Alkitab Singog In Mongondow Masa In Tanaa

¹⁴ Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:14 Mawu Ofanana

YESAYA 48:11

Tua in inaidan-Ku pinodoyon kon i-Nakó tontaní, sin Akuoi in diábí mopomayá mako in tangoi-Ku poraaton magí-mako; kamuliaan-Ku in diábí silaion-Ku kon i ineka.”

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:22

Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YEHEZKIEL 39:7

Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.