YEHEZKIEL 20:13 - Alkitab Singog In Mongondow Masa In Tanaa

¹³ Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:13 Mawu Ofanana

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

TAWARIKH 2 30:7

Dikabí ná mogoguyang monimu bo intau mita in Israel ibanea inta diá mosatia kon i Tuhan Allah monia. Inontongdon monimu tontaní in naonda in kobobogat pinohohukum-Nea kon i monia.

NEHEMIA 13:17

Sinoboḷowku in itoi mita in Yohuda bo siningogku, “Diá kinotaauan degá monimu kon nogaidon in moiko kon inta moraat sin nogaidon kon singgai in Sabat?

IḶUAIAN 32:10

Donaai monungkuḷ moḷamboi kon i-Nakó. Tumorú in Akuoi kon i monia bo yopúon-Ku in mosia. Táe iko takin buímu in baḻíon-Ku bangusa moḷoben tobatú.”

IḶUAIAN 32:8

Mosia ain sinumabat kon parenta-Ku mita. Mosia nomiadon kon patong sapi nongkon buḷawan, bo sinumba monia poḷat inogoian monia in kuruban. Mosia ain noguman kon tuata in ilah monia inta nodia kon i monia iḷumuai nongkon Mesir.

AMSAL 1:25

Bayongan in tongginaku in diábí inindongogan monimu bo toboḷowku in diábí inabatan monimu.

AMSAL 13:13

Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

YESAYA 56:6

Ki Tuhan in noguman kon intau mita ango-angoi inta ain noituot kon bonu in umat i Tuhan, inta motabi kon i Tuhan bo inta noibada kon i-Nia, inta nohoromat kon singgai in Sabat bo nosatia kon dodandian-Nea,

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YEREMIA 7:24

Táe mosia in doíbí mokidongog bo doí monondudut. Mosia in tongábí dinumudui kon ibog in gina monia tontaní inta motogat bo moraat tua. Mosia in deemanbí nobaḻí mopia táe nodugangbí moraat.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:16

Indoyó-Ku tatua in siningog-Ku popisí in mosia nonaḷámai kon parenta-Ku mita, iḻimimpat kon hukum-Ku mita bo noponajis kon singgai in Sabat. Mosia in moibo-ibogbí in mosumba kon berhala mita monia.

YEHEZKIEL 20:21

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.

YEHEZKIEL 20:24

popisí in nonaḷádon in mosia kon parenta-Ku mita, iḻimimpat kon hukum-Ku mita, noponajis in singgai in Sabat bo umuran nosumba kon dewa mita inta sinumba in mogoguyang monia.

YEHEZKIEL 20:36

ná inta ain inaidan-Ku kon mogoguyangmu kon Rawang in Sinai. Akuoi ki Tuhan Inta Totok in Moḷantud ain nosingog.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

YEHEZKIEL 22:8

Tampat mita pooibadaan kon i-Nakó sinamakanmudon bo singgai in Sabat diádon inindoionmumai.

YEHEZKIEL 23:38

Bo deemanbí tongá tua. Mosia in noponajis doman kon Baḷoi-Ku bo singgai in Sabat inta ain sinantú-Ku.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

PINOGIAPAN 14:29

Moiko aindon nongunsingog kon i-Nakó. Tuamai matoi in moiko, bo mayat monimu moiukat magí-mako kon padang gurun tanaa.

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

PINOGIAPAN 26:25

Kobayong in ḷoḷaki mita kon inanakan tatua in 64.300.

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

ULANGAN 9:8

Ondapa doman inta kon Buḷud in Sinai pinoyaat totok monimu in gina i Tuhan, nodapot in Sia moyopúdon kon i monimu.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

SAMUEL 1 8:8

Pinangkoimai Akuoi nodia kon i monia iḻumuai nongkon Mesir, mosia in nonoḻikudon kon i-Nakó bo nosumba kon dewa mita, bo onu in tanaa aidan monia kon inimu, tuata inta ain inaidan monia kon i-Nakó.