YEHEZKIEL 19:14 - Alkitab Singog In Mongondow Masa In Tanaa

¹⁴ Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

YEHEZKIEL 19:14 Mawu Ofanana

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

NEHEMIA 9:37

Bayongan in bungai in boyó kon butá tanaa musti ogoi kon datu mita. Pongawasa mita tatua dinuí-Mu mongawasa kon umat-Mu, nobaḻí hukuman kon dosa nami kon ini-Mu. Mosia in nomarenta kinooibogbí in ginanea kon inami bo bobiagon nami. Tuamai tanaa kami in mororiga, nopuḻingdon in roriga bo morobonoḷ in dodob!”

MAZMUR 110:2

Nongkon Sion ki Tuhan in mopooḷadbí in dodatuanmu; kawasaaidon in musungmu mita!

MAZMUR 79:7

Sin mosia in noyopúdon kon umat-Mu, bo norimumud kon pogogutunan monia.

YEREMIA 38:23

Akuoi in noguman doman, “Bayongan in adí bo buḷoi i Tuang datu in diaanbí doman ḷumuai bo ogoi kon intau in Babel. Ki Tuang doman tontaní in diábí moisimparut kon i monia. Ki Tuang datu in domokonbí i datu in Babel, bo kotá tanaa in payongonbí.”

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YEHEZKIEL 15:4

Diábí in baragunanea koḻikudbí in pondungú. Bo aka mopokakdon in posipongkó, bo kon yuaknea in mobaḻídon buing, oyúonpa degá in baragunanea?

YEHEZKIEL 17:10

Totuu kon sia in noimuḷadon noropot, táe umuran degá in sia mobiag poḷat in modugang mobayong? Degá diá moḷaḷow in sia aka irupon in tompot in pomukaan? Degá diá moingkag in sia kon tampat inta pinomuḷaan kon inia?”

YEHEZKIEL 19:1

Ki Allah in nokipodondong kon inakó in dondong oamui tanaa kon i adí ḷoḷaki i datu in Israel taya dua:

YEHEZKIEL 19:11

Tanganea in noropot, diábí motaau tongá putoḷon mako natua mopia pomiaan tungkud in dodatuan. Ḷuntungnea moḷantud mosindog moigawad in goḷom mita. Sia in kinoibog in bayongan intau sin noḷantud in sia bo daunnea in nobambar.

YEHEZKIEL 20:47

Potabádon in kayuon tatua mokidongog kon onu in poguman-Ku ki Tuhan Inta Totok in moḷantud kon inia, ‘Indongogaidon! Poyongkiton-Kubí in tuḷú inta momokak modait kon bayongan in pangkoi in kayu inta oyúon kon inimu, pinomayá inta ain noḷaḷow andeka inta nobiagpa. Tuḷú inta nodokot tua in diábí kopiongan. Sia in ḷumekepbí nongkon toḷatan mopobayá ná utuan, bo bayongan in intau in mokorasabí kon patúnea.

YEHEZKIEL 20:48

Kotaauandon monia kon Akuoi, ki Tuhan ain nopoyongkit in tuḷú tatua, bo diábí tobatúmai in intau in mokopiong.’ ”

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.

HOSEA 10:3

Diádon moonggot bo moguman in mosia, “Kita in diádon ko datu sin kita in diá motoguondok kon i Tuhan. Onu in mangaḻenea in datu tobatú kon i naton?”

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

YOHANES 19:15

Mosia in nomaḷú, “Ḻimodon in Sia! Ḻimodon in Sia! Popopakúdon Sia kon kayu pinoyotaḻempang!” Ki Pilatus in noḻibó, “Musti degá in akuoi in mopopakú kon kayu pinoyotaḻempang kon i datumu?” Imang mita itoi notubag, “Tongábí ki Kaisar in datu nami!”

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”