YEHEZKIEL 19:11 - Alkitab Singog In Mongondow Masa In Tanaa

¹¹ Tanganea in noropot, diábí motaau tongá putoḷon mako natua mopia pomiaan tungkud in dodatuan. Ḷuntungnea moḷantud mosindog moigawad in goḷom mita. Sia in kinoibog in bayongan intau sin noḷantud in sia bo daunnea in nobambar.

YEHEZKIEL 19:11 Mawu Ofanana

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

EZRA 5:11

Mosia in notubag, ‘Kami naa in mogogundoi i Allah mongongawasa kon dunia naa. Kami in koyogot in moposindog in Baḷoi Tuhan inta pinosindog bo sinompakakatan kon puḷúan in taong inta noitaḻibdon i datu tobatú in Israel inta moḷoben.

MAZMUR 110:2

Nongkon Sion ki Tuhan in mopooḷadbí in dodatuanmu; kawasaaidon in musungmu mita!

MAZMUR 80:15

O Allah Inta Totok in mokawasa, angoidon bui, bobuidon nongkon soroga bo taridiaidon in umat-Mu.

MAZMUR 80:17

Musung ain nomupuḷ bo noturub kon inia; biódon mako mosia in yopúon in torú-Mu.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

YEHEZKIEL 19:14

Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

YEHEZKIEL 21:10

Sia in iḷanitan sinbá mokopatoi, iriditan sinbá mopouḻi-uḻinag. Diádon in mokoḷunganga kon umat-Ku sin bayongan in tompoingat bo hukuman ain sinaḷáan monia.

YEHEZKIEL 21:13

sin koyogot-Ku tungkuḷan in umat-Ku, aka doí in mosia monompia kon dodianea, yo tua mita in mobaḻíbí kon i monia.’

YEHEZKIEL 31:3

Iko in naonda bo ḷokuyú in Libanon inta mogaga nopuḻing in tanga inta nobambar bo mogaga. Pangkoinea in notuḻid bo noḷantud ḷuntungnea in nodapot in goḷom.

DANIEL 4:11

Pangkoi in kayu tatua noḷantud totok; pangkoinea in moḷoben bo moropot. Ḷuntungnea in nodapot in ḷangit, dá koontonganbí in bayongan in intau kon sinangkub in dunia naa.

IMAMAT 23:40

Kon singgai dungkuḷ tua moiko in musti mosipú kon bungai in boyómu kon gobámu mita, bo dáun doman mita in palem bo tanga mita in kayu inta norubombong, bo pangkoidon in ramean inta nobaḻí singgai pia in gina sin mohoromat kon i Tuhan Allahmu.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.