YEHEZKIEL 19:10 - Alkitab Singog In Mongondow Masa In Tanaa

¹⁰ Ki inámu in naonda bo pangkoi in anggur inta moḷumbá inta nobiag kon gobá kon diug in tapá. Nobaḻí in sia nobambar bo nomungai sin tubig kon tua mobarong totok.

YEHEZKIEL 19:10 Mawu Ofanana

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 128:3

Ki buḷoimu bobay in naonda bo pangkoi in anggur inta moḷumbá kon bonu in baḷoimu. Ki adímu mita in naonda bo poḻimping in pangkoi in zaitun kon ḻibu in mejamu.

YEHEZKIEL 17:6

Pinomuḷa tatua in nobaḻí pangkoi in anggur inta nobiag noompá táe totok in iḷumandai. Tanganea mita noibayá kon boniá tatua, bo uakatnea mita noikeket noropot kon bonu in butá. Pangkoi in anggur tatua nobambar totok.

YEHEZKIEL 19:13

Tanaa in pinomuḷadon in sia kon rawang in bungaion, kon butá noingkag bo diá kotubig.

YEHEZKIEL 19:2

Ki inámu in naonda bo singa kobaayan inta motoyang bo diá in poḻiuan. Sia in nomiag kon i adínea mita kon yua-yuak in singa mita inta mongotorindog.

HOSEA 2:2

Ki Tuhan in noguman, “Ei adí-Ku mita, ki inámu in deeman bidon ki buḷoi-Ku, bo Akuoi in deemanbí ki buḷoinea. Tuamai, pelekaradon in sia sinbá sia in dika monuaḻing bo dikadon sumundaḷ bui.

HOSEA 2:5

Ki inámu in sundaḷ diá kotoguoyá. Sia in noguman, ‘Akuoi in mayábí kon inta kinotabiku mita inta nobogoi kon inakó in kaanon bo inumon, wol bo kaeng linen, ḷana in zaitun bo anggur.’

YOHANES 15:1

Ki Yesus in noguman bui, “Akuoi in pangkoi in anggur inta mopia, bo ki Amá-Ku in monononggobánea.

ULANGAN 8:7

Ki Tuhan Allahmu nodia kon i monimu pinobayá in butá inta mopia; butá inta mobayong in ongkag bo bokakánea, bo danow inta mointampurang monag kon ḷopá bo kon buḷud mita.

ULANGAN 8:9

Kon tua moiko in diábí koaputan in gogoy ande kodaitan. Batu karangnea oyúon in uatoi, bo buḷudnea mita motaau pongaḻian monimu kon bitú.