YEHEZKIEL 18:26 - Alkitab Singog In Mongondow Masa In Tanaa

²⁶ Aka intau mopia bo diádon momia kon inta mopia, modapot in momangkoidon mogaid kon inta moraat, matoibí in sia, popisí in aid moraat inta ain pinomianea.

YEHEZKIEL 18:26 Mawu Ofanana

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

YEHEZKIEL 18:18

Noyoḻiudon kon tua ki amánea inta moibog monombuḻitok bo mogagow bo momia kon inta moraat ibanea, in matoibí popisí in dosa mita inta pinomianea tontaní.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

YEHEZKIEL 18:25

Degá oyúon in moguman nanaa, ‘Noitaḷádon in aid i Tuhan.’ Indongogaidon, ei intau in Israel! Degá noitaḷá in inta inaidan-Ku? Moikobí in noitaḷá.

YEHEZKIEL 18:27

Táe, aka intau moraat inta diádon nomia kon dosa bo nomangkoidon nomia kon inta moitutui bo mopia, yo mosaḷamatbí in nyawanea.

YEHEZKIEL 3:20

Aka intau inta mopia momangkoidon momia kon dosa, bo sia in potayow-Ku kon anib, dá sia in matoibí aka iko in diá mopotoingat kon inia. Sia in matoibí popisí in dosanea mita, bo aidnea mita inta mopia in diá bidon toropon-Ku. Táe totaau kon kinopatoiannea in moibaba kon inimu.

YEHEZKIEL 33:13

Aka Akuoi in modandi kon moposaḷamatbí kon intau inta mopia, táe aka sia momangkoidon momia kon dosa bo moharap mako kon sia in posaḷamatonbí popisí in aidnea mopia dungkuḷmai, yo notoboḻingodon in sia. Diá bidon toropon-Ku in aidnea inta mopia dungkuḷmai bo matoibí in sia popisí in dosanea mita.

YEHEZKIEL 33:18

Komintanpa doman in poguman-Ku kon aka intau inta mopia momangkoidon mogaid kon inta moraat, yo sia in matoibí popisí in aidnea tatua.

IMAMAT 6:7

Ki imang mopokuruban intua potobut kon dosa intau tatua, dá intau tatua in ampungandon i Tuhan.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

YOHANES 1 5:17

Bayongan in oaid inta moitaḷá in dosabí, táe oyúon in dosa inta diábí mokopopisí kon intau tatua kobuḻian in kobiagan mopia bo inta mononoi tua.