YEHEZKIEL 18:20 - Alkitab Singog In Mongondow Masa In Tanaa

²⁰ Intau inta nomia kon dosa, siabí in matoi. Adí in diábí umuran mobaba kon bungai in aid moitaḷá i amánea; ná doman tua amá in diábí doman mobaba kon bungai in dosa mita i adínea. Intau mopia in mokouḻíbí kon tontuḻí inta mopia popisí in aidnea inta mopia. Bo intau moraat in motarimabí doman kon roriga popisí in aidnea inta moraat.

YEHEZKIEL 18:20 Mawu Ofanana

DATU MITA IMITÁNEA 14:13

Bayongan in rayat Israel in mononogumatoidon bo moḷobong kon inia. Tongábí sia tua in motoḷuadí i Yerobeam inta ḷobongon horomaton, sin tongábí sia in kinoibog in gina i Tuhan, Allah in Israel.

DATU MITA IMITÁNEA 8:32

o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.

DATU MITA 2 14:6

Táe ki adí mita in pogawai mita tatua in diábí iḻimodnea, sin dinumudui in sia kon parenta i Tuhan kon bonu in Buk i Musa inta noguman nanaa, “Dika mohukum matoi kon guyanga popisí in aid moraat inta pinomia i adí mita monia, bo dika doman mohukum matoi kon adí mita popisí in aid moraat inta pinomia in guyanga monia. Kon batúan in intau in tongábí hukumon popisí in aid moraat inta pinomia monia tontaní.”

TAWARIKH 2 25:4

Táe ki adí mita in pogawai mita tatua in diábí iḻimodnea sin sia in dinumuduibí kon parenta i Tuhan kon bonu in Buk i Musa inta noguman, “Dika mohukum matoi kon guyanga popisí in aid moraat inta inaidan in adí mita monia, bo dika mohukum matoi kon adí mita popisí in aid moraat inta inaidan in guyanga monia. Batúan intau in tongábí motaau hukumon matoi popisí in aidnea tontaní inta moraat.”

TAWARIKH 2 6:23

o Tuhan, indongogaipa kaasí nongkon soroga bo momaḷut kon pelekara mita in bobantung-Mu mita tanaa. Hukumdon in inta kotaḷá bo poḷuatdon in inta diá kotaḷá.

TAWARIKH 2 6:30

yo igumon mako Iko nongkon tampat pinogutunan-Mu kon soroga moibogpa kaasí mokidongog bo mongampung kon i monia. Tongábí Iko in monotaau kon bonu in gina in intau. Tuamai in popoaidon kon intau podudui kon aid mita monia,

IḶUAIAN 32:33

Ki Tuhan notubag, “Tongábí ki ine in nomia kon dosa kon i-Nakó tuata in popatan-Ku in tangoi monia kon buk tatua.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 14:16

Umpakabí ki Nuh, ki Daniel bo ki Ayub nogutun kon tua, dá pinodoyon kon i-Nakó, ki Allah inta nobiag, ki Tuhan Inta Totok in moḷantud, yo mosia in diábí mokoposaḷamat kon i inekabí, nodapot in ki adí mita monia yo diábí doman. Tongábí mosia tontaní in mosaḷamat, bo butá tatua in mobaḻí moḷogat.

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEHEZKIEL 18:30

Ki Tuhan Inta Totok in moḷantud, in noguman, “Ei intau mita in Israel, Akuoi in monisigbí kon bayongan in intau podudui in aidnea tontaní. Pogogaidon in mogaid kon dosamu mita. Dika pomayámu mako in dosamu momoguyaat kon awakmu.

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

YEHEZKIEL 33:10

Ki Tuhan in noguman kon inakó, “Ei intau ilo-ilow, potaaudon bui kon intau in Israel in tosingogon monia tanaa, ‘Mororiga totok in gina nami popisí in inuntuan in dosa bo aid moraat nami. Naonda sinbá kami in umuran mobiag?’

YEHEZKIEL 33:6

Táe aka moḷoḷukad tatua naonda in mokoontong kon musung bo diábí posingogonnea in tomponuot in anib, bo musung in moḻimod kon intau mita binaradosa tatua, dá siabí in tuntuton-Ku kon kinopatoian monia tua.

YEHEZKIEL 4:4

Bo uḻidon tonsi ná koḷoigi, bo Akuoi in mopouma in taḷá in bangusa in Israel kon inimu. Kon bonu in toḷu nogatut bo siow nopuḷú nosinggai iko in umuḻid natua bo mobaba kon roriga popisí in taḷá monia. Tosinggai iko in umuḻid natua yo notongkai in totaong in hukuman kon bangusa in Israel.

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 16:22

Bembé tatua in modia kon bayongan dosa in bangusa Israel mopobayá in butá inta noḷogatdon bo diádon pinogutunan bo bembé tatua in buḻiandon kon padang gurun.

IMAMAT 19:8

Ki ine in mokaan kon tapú tatua yo kotaḷá sin diá moguntu kon onu inta ain sinantú kon i-Nakó. Intau tatua diá bidon iniap-Ku anggota in umat-Ku.

IMAMAT 5:1

Kuruban pongampung kon dosa tua in paraḷu posumba kon dodai in kaadaan tanaa: Aka intau tobatú pinoigum mobogoi in katarangan kon bonu in pongadilan, táe diá nobogoi in katarangan soaḷ onu inta ain inontong ande inta dinongognea nodapot in sia musti motarima kon akibatnea.

IMAMAT 5:17

Aka intau tobatú diá sinumuod in nogaid kon dosa bo noiḷautdon nogaid kon onu inta ilarang kon parenta i Tuhan tobatú, intau tatua kotaḷá bo musti motanggung kon akibatnea.

PINOGIAPAN 15:31

sin sia ain noḷawang kon i Tuhan bo sinumontuondon noḷawang kon parenta i Tuhan. Intau tatua minatoi sin popisí in taḷánea tontaní.

PINOGIAPAN 18:1

Ki Tuhan noguman kon i Harun, “Iko, adímu mita bo intau mita in Lewi musti mobaba kon bungai in oaid monia inta moitaḷá inta mobaḻí kon Ḷoḷaigan-Ku, táe tongádon iko bo adímu mita in musti mobaba kon taḷá mita kon bonu in oaidan in imang mita.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

ULANGAN 24:16

Dika hukumon matoi in intau tatua popisí in aid moraat inta inaidan i adínea, bo dika mohukum matoi kon adí popisí in aid moraat inta inaidan in guyanganea. Batúan intau tongábí motaau hukumon matoi popisí in aidneabí tontaní.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.