YEHEZKIEL 18:13 - Alkitab Singog In Mongondow Masa In Tanaa

¹³ Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEHEZKIEL 18:13 Mawu Ofanana

DATU MITA IMITÁNEA 2:37

Aka iko mokobaḻí ḷumuai bo mayá ḻimimpat kon tapá in Ongkag in Kidron, yo iko in mustibí ḻimodon; bo ikodon tontaní in motanggung kon taḷá tatua.”

AYUB 34:11

Sia in mohukum kon intau podudui in aidnea, mopoaid kon inia podudui in dodianea.

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

YEHEZKIEL 18:28

Nosadardon in sia kon bayongan inta pinomianea bo nogogaidon in nogaid kon dosa. Yo sia tua in diábí matoi táe umuranbí mobiag.

YEHEZKIEL 18:32

Diábí mopia in gina-Ku aka intau tobatú matoi. Taḷaaidon in dosamu mita sinbá umuran mobiag in moiko. Akuoi ki Tuhan Inta Totok in moḷantud ain nosingog.”

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YEHEZKIEL 3:18

Aka Akuoi mopotaau kon intau moraat tobatú in matoibí, táe iko in diá mopotoingat kon inia sinbá baḷuiannea in gogutúnea modapot in sia mosaḷamat, dá matoi in sia saḷaku intau inta binaradosa, bo totaau kon kinopatoiannea in moibaba kon inimu.

YEHEZKIEL 33:8

Aka Akuoi in mopotaau kon intau moraat tobatú in matoi, táe diápa pinopotoingatmu kon inia sinbá baḷuiannea in gogutúnea bá mosaḷamat in sia, dá matoidon in sia saḷaku intau inta binaradosapa. Táe totaau kon kinopatoiannea in tuntuton-Kubí kon inimu.

IMAMAT 20:27

Bayongan intau ḷoḷaki ande bobay inta umuran mogoiní kon dimukud mita inta ain minatoi yo musti ara bo in batu modapot in matoi. Intau tatua in matoi popisí in oaidnea tatua.”

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”