YEHEZKIEL 17:23 - Alkitab Singog In Mongondow Masa In Tanaa

²³ Kon buḷud inta totok in moḷantud, pomuḷaan-Ku in sia. Kon tua monokat in sia, bo momungai, bo mobaḻídon pangkoi in ḷokuyú inta mobambar totok. Bayongan in ḷagapan in monompugadbí kon tua bo moniung kon siungonnea.

YEHEZKIEL 17:23 Mawu Ofanana

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MAZMUR 80:8

O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

DONDONG MOḶANTUD 5:15

Sioḷnea naonda bo oigi mita marmar nobudó, inta inoḻitan in buḷawan taakan. Pongongawaknea ná kogaga in buḷud mita kon Libanon, bo ná kotaingkat in pangkoi in aras.

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 49:18

Indoiaidon bo bobuidon in kon ḻibumumai, rayatmu in nosipundon bo mamangoi kon inimu. Podoyon kon tangoi-Ku, Allah inta nobiag, Akuoi in moguman, Totuu, mopiabí in ginamu sin intau inta nogutun kon inimu, naonda bo nonikaan bobay mopia in ginanea popisí in ḷambánea.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEHEZKIEL 20:40

Sin kon butá in Israel, kon tudu totok in buḷud-Ku inta motusi, moiko komintan, bangusa in Israel in mosumbabí kon i-Nakó. Kon tua mosanangbí in gina-Ku kon inimu bo moibog motarima kon kurubanmu mita, sosumbamu mita inta totok in mopia bo oogoimu mita inta ain sinantú.

YEHEZKIEL 31:6

Noyagi-yagimai in ḷagapan in nonompugad kon tanganea. Mahaḷuk ḻindong nononggadí kon siungonnea. Bayongan in bangusa moḷoben kon sinangkub in dunia iḻimitú noniung kon siungonnea.

YEHEZKIEL 36:8

Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

DANIEL 4:8

Imbuitnea namangoidon in ki Daniel inta dinonoi doman ki Beltsazar naonda bo tangoi in dewaku. Ki Daniel in kinawasaan in dimukud in dewa mita inta motusi. Inoumanku doman kon inia in togoindopku, kon inakó,

DANIEL 4:9

“Ei, Beltsazar, itoi in intau mita inta kototaau, kinotaauanku kon iko in kinawasa in dimukud in dewa mita inta motusi, dá diábí in noibuni kon inimu. Indongogaidon in togoindopku tanaa, bo ininsilangandon in mangaḻenea.

HOSEA 14:7

Mosia in mobiagbí bo modugang naonda bo pinomuḷa inta monokat magí-mako, naonda bo pangkoi in zaitun in kogaganea mobondu naonda bo pangkoi in ḷokuyú!

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

MIKHA 4:1

Kon singgai mita moiduduimai tombuḷud, tampat in Baḷoi Tuhan, in moisindogbí motorindog moipagor moḷantud moiḻiu kon buḷud mita bo tombuḷud mita. Bayongan in bangusa diá moobo-obot in mayá intua

MATIUS 13:32

Totuu kon batoḷ tatua in totok in mointok nongkon bayongan batoḷ. Táe aka sia in mobiagdon, sesawi tatua in moḷobe-ḷoben nongkon kuyat mita ibanea. Sia in sinimimpangkoi sahingga in ḷagapan mita in mamangoi bo monompugad kon tanganea mita.”

MARKUS 4:32

Táe aka mobiagdon, yo moḷobe-ḷobenbí in sia nongkon bayongan pinomuḷa ibanea. Tanganea mita mongobambar, sahingga ḷagapan mita motaau mamangoi monompugad kon tua bo kooḻiungannea.”

LUKAS 13:19

Kaadaannea tua in naonda bo batoḷ in sesawi, inta ginamá in intau bo pinomuḷa kon gobánea. Batoḷ tatua in nobiag simimpangkoi, dá angoian in ḷagapan bo ponompugadan in pangkoinea.”

YOHANES 12:24

Naadon in poguman-Ku kon i monimu: Aka batoḷ in gandum diá ḷobongon kon butá bo matoi, yo sia in tongábí umuran tougat. Táe aka batoḷ in gandum tatua matoi, bain tuata bo sia in mopomungai in gandum mobayong.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”