YEHEZKIEL 17:15 - Alkitab Singog In Mongondow Masa In Tanaa

¹⁵ Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

YEHEZKIEL 17:15 Mawu Ofanana

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 56:7

Mosia in moyosipun kon tampat noiadop, motarap mako kon bayongan inta aidanku, bo motayak kon kasampatan moḻimod kon inakó.

AMSAL 19:5

Intau inta monguboḷ kon pongadilan, diábí moisimparut kon hukuman.

YESAYA 36:5

kainimu kamai tongá tosingogon mokobaḷui kon akaḷ bo ropot in tontara? Ki ine in pongatamu modapot in iko in mokobaḻí monayow kon Asyur?

YEREMIA 32:4

bo ki Datu Zedekia in diábí mokoḷagui. Sia in ogoibí kon i datu in Babel, bo tumayow kon i datu tatua poḷat mongonguman tontaní takinnea.

YEREMIA 34:3

Iko in diábí mokoḷagui, táe domokonbí bo ogoi kon inia. Iko in moyodungkuḷbí bo mongonguman takinnea, bo iko in mayá in Babel.

YEREMIA 38:18

Táe aka iko doí tumungkud, yo kotá tanaa in moḷabú kon ḻima in intau in Babel. Turubonbí monia modait, bo iko in diábí mokoḷagui.”

YEREMIA 38:23

Akuoi in noguman doman, “Bayongan in adí bo buḷoi i Tuang datu in diaanbí doman ḷumuai bo ogoi kon intau in Babel. Ki Tuang doman tontaní in diábí moisimparut kon i monia. Ki Tuang datu in domokonbí i datu in Babel, bo kotá tanaa in payongonbí.”

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YEHEZKIEL 17:18

Popisí in iḻimimpatdon in sia kon ibot bo dodandiannea, sia in diábí mokopoḷagui.

YEHEZKIEL 17:7

Kon tungkuḷ intua oyúon in ḷagapan boniá moḷoben ibanea; koḻikipnea in mooḷad bo bubuḷnea in mobunod. Bo pangkoi in anggur tatua nopotugat in uakatnea mita bo tanganea mita kon ḷagapan boniá inta nobagu tatua takin kamang sinbá ḷagapan tatua moibog mobogoi kon inia in tubig mobayo-bayong nongkon inta oyúon kon gobá tatua.

YEHEZKIEL 17:9

Dá Akuoi, ki Tuhan Inta Totok in moḷantud in moḻibó,: Mobiag degá in pangkoi in anggur tatua bo poḷat modugang in kobayongnea? Degá diá rabuton in ḷagapan boniá inta dungkuḷ in sia nodapot in uakatnea mita, monotak kon bungainea, momutoḷ kon tanganea mita bo pomayáneadon mako moḷaḷow? Diábí moparaḷu kon mobayong in intau andeka bangusa inta motorindog sin morabut kon pangkoi tatua modapot in uakatnea mita.

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YEHEZKIEL 21:28

“Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 23:20

Totok in tumagab in ibognea kon ḷoḷaki, ibognea in nádon ibog in kabaḷo koḷakian. (

YEHEZKIEL 29:16

Israel in diá bidon mopoigum in totuḷung kon inimu. Ukurmu ei bangusa in Mesir in moponoropbí kon Israel kon noitaḷádon totok in nopongata in Mesir, ná inta nokoimontandon inaidannea. Dá kotaauandon in Israel kon Akuoibí in ki Tuhan Inta totok in moḷantud.”

YEHEZKIEL 29:7

Kon dodai in mosia umandoḷ kon inimu, noputoḷ in iko bo noiturak kon iyok monia, dá ḻikud monia in noiḷogit.

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

YOSUA 9:20

Kita in diábí motaau moḻimod kon i monia sin kita ain nodandi; bo aka kita ḻimimpat kon dandi tatua dá hukumon i Allah in kita.