YEHEZKIEL 17:14 - Alkitab Singog In Mongondow Masa In Tanaa

¹⁴ sinbá dodatuan in Yohuda tua in diádon moisindog bui, bo tontagú in dodandian tatua in totu-totuubí kon duduian.

YEHEZKIEL 17:14 Mawu Ofanana

YEREMIA 38:17

Bo akuoi in noguman kon i Zedekia kon ki Tuhan Inta Totok in mokawasa, ki Allah inta sinumba in intau in Israel, noguman nanaa, “Aka iko tumungkud kon pojabat mita i datu in Babel, iko in diábí ḻimodon, bo kotá tanaa in diábí doman turubon. Iko takin motoḷuadímu in mosaḷamatbí.

OMBAḶ 5:10

Kami in inaput in gogoy, nodapot in kuḻit nami monombaga naonda bo kon doḷuong.

YEHEZKIEL 17:6

Pinomuḷa tatua in nobaḻí pangkoi in anggur inta nobiag noompá táe totok in iḷumandai. Tanganea mita noibayá kon boniá tatua, bo uakatnea mita noikeket noropot kon bonu in butá. Pangkoi in anggur tatua nobambar totok.

YEHEZKIEL 29:14

Moiko in tompiaan-Kubí bui bo pokipogutunan kon Mesir kon dotá in toḷatan, butámu dungkuḷ. Kon tua aidan monimu in dodatuan inta moyangkó,

YEHEZKIEL 29:15

inta moiḻiu in yangkó kon sinangkub in dunia. Baḻíon-Ku in moiko totok in moyangkó dá moiko in diábí mokoparenta kon bangusa mita ibanea andeka dumodia kon monia.

ULANGAN 28:43

Intau ango-angoi inta nogutun kon butámu in modugangdon in kawasa monia, bo kawasamu tontaní in kogaat-kogaatdon.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.