YEHEZKIEL 16:49 - Alkitab Singog In Mongondow Masa In Tanaa

⁴⁹ Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 16:49 Mawu Ofanana

KINOBAḺIAN 13:10

Ki Lot nobobui magí mako bo inontongnea kon bayongan Ḷopá in Yordan, nodapot kon kotá in Zoar nobarong in tubig, ná taman i Tuhan ande naonda bo butá in Mesir. (Natuata in kaadaannea kon dodai in diápa pinokak i Tuhan kotá mita in Sodom bo Gomora.)

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 18:20

Nopaḷut mako kon tua ki Tuhan noguman kon i Abraham, “Nobarong in pinoyaput in soaḷ mokobogat kon Sodom bo Gomora, bo totuu kon dosa monia tua totok moḷoben.

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

KINOBAḺIAN 19:9

Táe intau mita in Sodom tatua in noguman kon i Lot, “Pomamping! Iko nion tongá mokokiangoi bo mogator kon i nami? Bayá intua! Aka diá, yo iko in bouton nami totok poḻiuon kon inayadua tua.” Bo inundudon monia in ki Lot bo poḷat binayá dinangatan monia in ḷoḻingkop.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

AMSAL 21:4

Intau moraat tatua in binaradosa, popisí in kinawasa in dodia bo ḷoḷatúnea.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 16:6

Bangusa in Yohuda in moguman, “Kami in nokodongogdon kon naonda in koḷoḷatú in bangusa in Moab. Kinotaauan nami kon mosia in mododia bo moḷoḷatú. Singog monia in tongábí ambungangaḷ inta diá in bonunea.”

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

YEREMIA 48:11

Ki Tuhan in noguman, “Nongkon koḻipodpabímai Moab in nobiag noaman. Diápabí kon dodai in onda in sia inakut pinobayá in pinoḷumbúan. Sia in naonda bo tubig in anggur inta pinomayá mako in sinumonop bo diá dodai in onda in binonu kon tampat in anggur ibanea. Anggurnea in norongingipa bo mopia.

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 18:16

andeka nondorot andeka nogagow kon i inekadon. Pakakat mita in intau inta nobaḻí tontogot kon boboḻian kon inia umuranneabí pobuion. Intau inta ginogoi ogoiannea in kaanon bo intau inta diá koḷambung inogoiannea in ḷambung.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 23:42

Nongkon ḷuai kinodongogandon in singog modowawá in intau moantó inta mobarasanang. Intau mita tatua in inoinídon nongkon rawang bungaion. Mosia in nopoḷutud in ḻingkit kon kokaḷ in doyowa mogutat tatua, bo nopoḷutud doman in mahkota mita inta mogaga kon uḷu monia.

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEHEZKIEL 28:9

Yo, aka moiangoidon in wakutunea tatua, mokopogumanpa degá in iko kon iko in ki Allah? Kon tayowon in moḷoḻimodmu mita, moniatadon kon iko in tongábí intau ilo-ilow.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

LUKAS 17:28

Ná doman tua in nobaḻí kon masa i Lot. Intau mita in nongaan, nonginum, nopotaḷui, notaḷui, nomunak bo nobaḷoi.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.