YEHEZKIEL 16:48 - Alkitab Singog In Mongondow Masa In Tanaa

⁴⁸ Pinodoyon kon i-Nakó, ki Allah inta nobiag, guman i Tuhan Inta Totok in moḷantud, ki utatmu Sodom takin ḻipúnea mita in diápabí kon dodai in onda in ná moraatmu takin ḻipúmu mita.

YEHEZKIEL 16:48 Mawu Ofanana

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

MATIUS 10:15

Pogumanku kon i monimu! Kon singgai pohakiman, intau mita in Sodom bo Gomora in mogaa-gaan in hukumannea nongkon intau mita tatua!”

MARKUS 6:11

Táe aka moiko bo moibayá in tobatú tampat, bo intau mita kon tua doí motarima bo doí mokidongog kon i monimu, yo taḷaaidon in tampat tatua. Bo topiraidon ḷobud nongkon sioḷmu saḷaku tompoingat kon i monia!”

LUKAS 10:12

Torop in naa, Kon singgai ponantúan, intau in Sodom in mogampa-gampang ampungan i Allah in intau mita in kotá tatua!”

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.