YEHEZKIEL 16:47 - Alkitab Singog In Mongondow Masa In Tanaa

⁴⁷ Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 16:47 Mawu Ofanana

DATU MITA IMITÁNEA 16:31

Diápa doman tugat kon inia in mobiag momia kon dosa naonda bo ki Datu Yerobeam, sia in notonibuḷoidon i Izebel ki adí i datu Etbaal inta nongkon Sidon, bo nosumbadon in sia kon i Baal.

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 21:9

Táe intau in Yohuda in diá motoindudui kon i Tuhan, bo ki Manasye in nokopopisídon kon i monia nogaid kon dosa inta moiḻiu in raatnea nongkon dosa inta pinomia in bangusa mita inta pinoguntun i Tuhan nongkon Kanaan kon dodai in umat in Israel sinumuot kon butá tatua.

YEREMIA 3:7

Irai-Ku naonda in sia momia kon tua mita, yo sia in mobuidon mangoi kon i-Nakó. Táe sia in diábí nobui, nodapotbí in minayá sinumundaḷ. Tuamai Akuoi in nogaat bo nopoguntun kon inia. Yohuda, ki utat in Israel, inta diá motoindudui tua in nokoontong kon tua komintan, táe sia in diábí inagían in ondok. Nodapotbí in sia dinumayan doman nobaḻí sundaḷ,

YEHEZKIEL 16:48

Pinodoyon kon i-Nakó, ki Allah inta nobiag, guman i Tuhan Inta Totok in moḷantud, ki utatmu Sodom takin ḻipúnea mita in diápabí kon dodai in onda in ná moraatmu takin ḻipúmu mita.

YEHEZKIEL 16:51

Totuu kon Samaria in moraat, táe dosanea in diábí tugat tongobotak in dosamu mita. Dodiamu in moraa-raat. Ki utatmu mita bobay naonda bo diá kotaḷá aka poyotongkaion kon inimu. Mustibí mooyá bo moempeng in iko!”

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!