YEHEZKIEL 16:46 - Alkitab Singog In Mongondow Masa In Tanaa

⁴⁶ Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

YEHEZKIEL 16:46 Mawu Ofanana

KINOBAḺIAN 14:8

Onda intua datu mita kon Sodom, Gomora, Adma, Zeboim bo Bela nogator kon tontara monia kon Ḷopá in Sidim bodongka noparang

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

YESAYA 10:11

Samaria bo bayongan in berhalanea ain iyopúku. Natua doman in aidankubí kon Yerusalem takin komintan berhala inta sinumba kon tua.”

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

OMBAḶ 4:6

Umatku in ihukumdon noiḻiu in kobogatnea nongkon intau in Sodom inta tongá kon bonu in tokokiap in mata norimumud in kawasa i Allah takin diábí in aid in intau.

YEHEZKIEL 16:27

Tanaa in Akuoi mohukumdon kon inimu bo mogamá kon barakat inta ain inogoi-Ku kon inimu. Ogoi-Kudon in iko kon intau mita in Pilistin inta doí kon inimu bo inta mobú in mokoontong kon dodiamu inta mokotor tua.

YEHEZKIEL 16:51

Totuu kon Samaria in moraat, táe dosanea in diábí tugat tongobotak in dosamu mita. Dodiamu in moraa-raat. Ki utatmu mita bobay naonda bo diá kotaḷá aka poyotongkaion kon inimu. Mustibí mooyá bo moempeng in iko!”

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

YEHEZKIEL 23:11

Ki Oholiba, ki ai-ainea in nokoontongdon kon onu inta nobaḻí tatua, táe ibognea in moḷobe-ḷoben nongkon i Ohola in mogaid kon totuaḻingan.

YEHEZKIEL 23:2

“Ei intau ilo-ilow, oyúon in bobay doyowa mogutat.

YEHEZKIEL 23:4

Guya-guyang ki Ohola in tangoinea, sia in nobaḻí lambang in Samaria. Ki ai-ainea in ki Oholiba in tangoinea; sia in nobaḻí lambang kon Yerusalem. Akuoi in notonibuḷoi i nayadua tua bo nokouḻí kon adí kon inayadua.

YEHEZKIEL 26:6

Mosia in mogagowbí poḷat moḻimod kon intau kon kotá mita kon butá in Tirus. Dá kotaauandon in intau in Tirus kon Akuoibí in ki Tuhan.”

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

ULANGAN 32:32

Sin mosia in moraat naonda bo Sodom bo Gomora, ná pangkoi in anggur inta pait bo bungainea in nobaḻí rasum.

PETRUS 2 2:6

Ná doman kotá in Sodom bo Gomora: nodait i Allah sinubá in kotá mita tatua sinbá mobaḻí contoh kon onu inta mobaḻí kon intau mita inta moraat.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”