YEHEZKIEL 16:44 - Alkitab Singog In Mongondow Masa In Tanaa

⁴⁴ Ki Tuhan in noguman, “Ei Yerusalem, intau mita in mopotugatdon in tosingogon tanaa kon inimu, ‘Naonda bo ki inánea, natua doman in ki adínea bobay.’

YEHEZKIEL 16:44 Mawu Ofanana

DATU MITA IMITÁNEA 21:16

Ḷagidon minayá in ki Ahab bo nogamá kon gobá in anggur tatua nobaḻí gobánea.

DATU MITA 2 17:11

Notubá doman in mosia kon dupa kon bayongan in mezbah sin mosumba kon dewa, ná kabiasaan in bangusa mita inta ain pinoguntun i Tuhan nongkon butá in Kanaan. Nosumba in mosia kon berhala umpaka ain inimaḷowan i Tuhan. Bayongan in aid monia inta moraat nokopomuká kon torú i Tuhan.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

DATU MITA 2 21:9

Táe intau in Yohuda in diá motoindudui kon i Tuhan, bo ki Manasye in nokopopisídon kon i monia nogaid kon dosa inta moiḻiu in raatnea nongkon dosa inta pinomia in bangusa mita inta pinoguntun i Tuhan nongkon Kanaan kon dodai in umat in Israel sinumuot kon butá tatua.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

YEHEZKIEL 12:23

Yo, potaaudon kon i monia kon Akuoi, ki Tuhan Inta Totok in moḷantud, in motubag nanaa: Peribahasa tatua in popatan-Ku, dá diádon singogon bui kon Israel. Mobaḻí toḻiunea in pogumandon kon i monia kon wakutunea in noidapotdon, bo bayongan in inta pinoguman in mobaḻídon.

YEHEZKIEL 16:3

Ki Tuhan Inta Totok in moḷantud nopotabá kon inakó mopotaau in koyow tanaa kon Yerusalem, “Ei Yerusalem, iko in pinononggadí kon butá in Kanaan. Ki amámu intau in Amori bo ki inámu intau in Het.

YEHEZKIEL 16:45

Totuubí kon iko in adí bobay i inámu. Sia in nondoídon kon i buḷoinea ḷoḷaki bo i adínea mita tontaní. Iko in notongkai doman i utatmu mita bobay inta nondoí doman kon i buḷoinea ḷoḷaki bo kon i adínea mita. Iko bo ki utatmu mita, inta kotá mita kon diugmumai in ko iná kon intau in Het bo koamá kon intau in Amori.

SAMUEL 1 24:13

Poigumon mako ki Tuhandon in monantú mongo ki ine in kotaḷá in kitada! Igumon mako ki Tuhandon in motuḻí kon aid i Tuang kon inakó, tongá topiḻikmai akuoi in doíbí mopororiga kon i Tuang Datu.