YEHEZKIEL 16:38 - Alkitab Singog In Mongondow Masa In Tanaa

³⁸ Hukumon-Kubí in iko popisí in pinonuaḻingan bo pinoḻimodan inta ain inaidanmu tua. Kon bonu in rogi bo torú-Ku hukumon-Ku matoi in iko.

YEHEZKIEL 16:38 Mawu Ofanana

KINOBAḺIAN 38:11

Noiduduimai kon tua ki Yohuda nogumandon kon i Tamar mototakanea tatua, “Pobuidon kon baḷoi in guyangamu bo pogutundon kon tua saḷaku mobobaḷu modapot in ki adíku ki Syela moitoidon.” Sia in noguman natua sin sia in moondok dikabo ki Syela gamáan domandon i Tuhan, ná ki guya-guyangnea doyowa. Dá nobuidon in ki Tamar kon baḷoi in guyanganea.

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

IḶUAIAN 21:12

“Ki ine in momongkug kon intau ibanea modapot in matoi, yo mustibí hukumon matoi in sia.

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEHEZKIEL 16:40

Potabádon monia in intau mobarong mogandur in batu kon inimu, bo yingaton monia in kedang in awakmu.

YEHEZKIEL 23:24

Tubuon monia in iko nongkon utuan takin tontara inta mobarong, takin doman kereta mita in parang bo kereta mita pododatogan kon tongkaaḷ. Kokada-kadai in kaḻeaw bo nogisapoyo in uwaja, mamangoi in mosia moḻibut kon inimu. Pomayá-Kubí mako in mosia monisig kon inimu podudui in hukum mita monia.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

YEHEZKIEL 35:6

Tuamai, podoyon kon i tangoi-Ku, ki Allah inta nobiag, ki Tuhan Inta Totok in moḷantud, popatoi in ukurmubí, bo moiko in diábí mokoḷagui nongkon tua. Moiko in kotaḷádon popisí in noḻimod, dá ḷoḻimod in mogaḷow doman kon inimu.

YEHEZKIEL 36:18

Pinotugat-Ku kon i monia in torú-Ku popisí in mosia totokdon in noḻimod kon butá tatua bo nongotor pinongin berhala mita monia.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

ZEPANYA 1:17

Ki Tuhan in noguman, “Akuoi in mopoangoibí in bodito mobayong kon umat intau, dá mosia in mongokapdon naonda bo intau bilog. Mosia in binaradosadon kon i-Nakó, bo tanaa in dugú monia in moibutakdon naonda bo tubig, bo mayat mita monia in mobongkogdon kon tudu in butá.”

PINOGIAPAN 35:16

Tongá aka intau tobatú bo nopomakédon in pakakat uatoi andeka batu andeka kayu sin poḻimod kon intau ibanea, dá intau tatua in totuubí kon moḷoḻimod; sia tua in kotaḷá bo musti hukumon dapot in matoi.

PINOGIAPAN 35:21

andeka mongoyungkum, yo intau tatua in moḷoḻimod; sia tua in kotaḷá bo musti hukumon matoi. Ginaḷum inta totokpa in modagin in intau inta iḻimod tatua motaaubí in mopobayá in hukuman matoi tatua. Aka moyodungkuḷnea in intau inta noḻimod tatua, yo motaaubí in ḻimodonnea.

PINOGIAPAN 35:31

Moḷoḻimod tobatú in mustibí hukumon matoi. Diábí motaau tobutonnea in doit in hukuman tatua.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”