YEHEZKIEL 16:33 - Alkitab Singog In Mongondow Masa In Tanaa

³³ Sundaḷ tobatú in umuranbí uboḻian, táe noyotoḻikudon intua ikobí in mobogoi in tombuinag kon intau mita inta kinoibogmu, nodapotbí in dondouḷuganmu in mosia in doit sinbá mamangoi nongkon bayongan in tampat bo mosiug takinmu.

YEHEZKIEL 16:33 Mawu Ofanana

YESAYA 30:3

Táe datu tatua in mopokuyangbí kon gina monia, bo oḻiung inta inoḷat mako nongkon Mesir diábí mouḻí.

YESAYA 57:9

Moiko in nopomaké in ḷana bo inta mongo bo mongobondu, bo mayá mosumba kon i Dewa Molokh. Moiko in mopotabá in totabá mita mayá in butá mita inta moyayú nodapot in dunia in intau minatoi.

YEREMIA 2:24

bo mayá in padang gurun inta moingongow. Sia in diádon kodomokan aka koyogot in ḷanuan in ibog. Inta mongibog kon inia in diá bidon paraḷu motayak magí mako, sin kon tungkuḷ in ḷanuannea yo sia bidon tontaní in motayak.

YEHEZKIEL 16:32

Iko in naonda bo buḷoi bobay inta nomaḻidawan kon i buḷoinea ḷoḷaki bo nonuaḻing takin ḷoḷaki ibanea.

YEHEZKIEL 16:34

Iko naa in sundaḷ inta torupabí nongkon bayongan in sundaḷ ibanea. Diábí in nomakisa kon inimu nobaḻí sundaḷ. Iko in diábí inuboḻian, sedang bo ikobí tontaní in noguboḻi. Totuu, iko in noyoposibí in ibanea mako.”

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

HOSEA 2:12

Daiton-Kubí yompaton in pangkoi mita in anggur bo pangkoi mita in ara inta podudui kon inia nobaḻí tondan in pinobatuangannea kon intau mita inta nosiug takinnea. Baḷuian-Kubí in gobá mita in anggur bo gobá mita in aranea mobaḻí kayuon; mahaḷuk mita ḻindong in nomoguyaatbí kon tua.

YOËL 3:3

Mosia in nopogonik in undi sin monantú mongo ki ine in mokouḻí kon intau mita inta sinoko dakop. Pinotaḷui monia in mongodeaga bo tayowmobiag sin baḻíon ata. Bo doit boḻinea in pakéon monia posundaḷan bo ponginuman kon anggur.

MIKHA 1:7

Patongnea mita inta mongomahaḷ in rimumudon, bo bayongan in pakakat inta ogoi kon bobay mita inta mopobayá in oaidannea kon kuil in tubáan, takin bayongan in berhalanea in yompaton. Tua mita in nouḻí monia kon pinoibadaannea kon i dewa in koḷumbaan. Tanaa bayongan intua akutondon in musungnea mita sin posumbadon mobaḻí sukur kon dewa mita monia.”

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’