YEHEZKIEL 16:31 - Alkitab Singog In Mongondow Masa In Tanaa

³¹ Kon rawang in kotá bo kon pomuḷoi in daḷan pinoposindoganmu in tampat mita pososumbaan kon berhala bo sumundaḷ. Táe iko in deemanbí ná sundaḷ biasamai inta moparaḷu kon doit.

YEHEZKIEL 16:31 Mawu Ofanana

YESAYA 52:3

Ki Tuhan in noguman kon umat-Nea, “Moiko in pinotaḷui mako natua, dá tanaa in poḷuaton doman mako natua.

YEHEZKIEL 16:32

Iko in naonda bo buḷoi bobay inta nomaḻidawan kon i buḷoinea ḷoḷaki bo nonuaḻing takin ḷoḷaki ibanea.

YEHEZKIEL 16:39

Ogoi-Ku in iko kon inta kinotabimu mita tatua, bo umpagon monia in tampat mita pinosundaḷan bo pinosumbaanmu kon berhala. Bayongan in pakeang bo ḷambámu in agowonbí monia, modapot in mopilang in iko.

YEHEZKIEL 20:29

Akuoi in noḻibó kon i monia, ‘Tampat mita moḷantud onu inta binayáan monimu tatua?’ Dá pinangkoi kon dodai intua tampat mita tatua sinangoian ‘Tampat mita moḷantud’.

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,