YEHEZKIEL 16:22 - Alkitab Singog In Mongondow Masa In Tanaa

²² Kon kobiaganmu inta mokorongó tua saḷaku sundaḷ, yo topiḻikmai diá bidon kinotoropanmu in kobiaganmu kon tungkuḷ in nointokpa koḻipod, kon dodai in iko diá koḷambu-ḷambung bo moḻiaimai kon bonu in dugúmu tontaní.”

YEHEZKIEL 16:22 Mawu Ofanana

MAZMUR 129:1

Dondong mayá in Baḷoi Tuhan. Israel, pogumandon mongo naonda in pinomomogutú in musung kon inimu pinangkoi kon iko nobagupa.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEHEZKIEL 16:23

Ki Tuhan Inta Totok in moḷantud noguman, “Moboditodon in iko! Totuu kon mobodito! Iko in nomiadon kon bayongan inta moraat tatua.

YEHEZKIEL 16:43

Akuoi in nohukum kon inimu popisí in kinoḻionganmudon naonda in pinomomiag-Ku kon inimu kon tungkuḷ in iko noguodpa. Pinomukámu in torú-Ku pinodoyon kon aidmu inta moraat tua. Nongonu sin bayongan in aidmu inta mokorongó tua dinuganganmupa doman in totuaḻingan? Akuoi ki Tuhan Inta Totok in moḷantud ain nosingog.”

HOSEA 11:1

Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.