YEHEZKIEL 16:18 - Alkitab Singog In Mongondow Masa In Tanaa

¹⁸ Pinakéanmu in patong mita tatua in pakéan sinomboréan inta inogoi-Ku kon inimu. Pinosumbamu kon i monia in ḷana zaitun bo dupa inta inabatanmu nongkon i-Nakó.

YEHEZKIEL 16:18 Mawu Ofanana

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 16:10

Onda intua iḷutudan-Kudon in ḷambung inta sinomboréan, sapatu kuḻit inta mopia, bandow nongkon kaeng linen bo jubah sutra.

YEHEZKIEL 16:17

Nongkon ḷambá buḷawan bo saḷaka inta inogoi-Ku kon inimu, pinomiamu patong mita ḷoḷaki, bo nonuaḻing in iko takin patong mita tatua.

YEHEZKIEL 16:19

Inogoian-Ku in iko in kaanon torigu inta totok in mopia, biluk bo ḷana in zaitun inta nodarit. Táe tua mita pinosumbamubí kon berhala mita tatua sin moposanang in gina monia. Akuoi ki Tuhan Inta Totok in moḷantud ain nosingog.

YEHEZKIEL 23:41

Bo iḻimitú in mosia kon tudu in tosiugan inta mogaga. Kon tayowonnea oyúon in meja inta pinogoḷudan kon noyagi-yagimai in kaanon, takin dupa doman bo ḷana in zaitun inta ain inogoi-Ku kon i monia.

YEHEZKIEL 27:16

Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

ULANGAN 32:38

Mosia in nokaan kon ḷongó inta pinosumba monimu, bo nonginum kon anggur inta pinokuruban monimu. Oinídon in mosia mamangoi motuḷung kon i monimu, biódon mako sinbá mosia in mobaḻí pogogadopan monimu.