YEHEZKIEL 16:10 - Alkitab Singog In Mongondow Masa In Tanaa

¹⁰ Onda intua iḷutudan-Kudon in ḷambung inta sinomboréan, sapatu kuḻit inta mopia, bandow nongkon kaeng linen bo jubah sutra.

YEHEZKIEL 16:10 Mawu Ofanana

MAZMUR 45:15

Takin nogiḷambung inta noyagi-yagimai in batangannea dinia in sia minayá kon i datu, sinakinan in mongodeaga, yobayatnea mita, mosia in pinopoangoi doman kon i datu.

IḶUAIAN 25:5

kuḻit in domba koḷakian inta nopura in batangannea, kuḻit noaḷus, kayu akasia,

IḶUAIAN 26:14

Pomiaai doman kon doyowa in kokoḷob kon dotá in ḷuai in Ḷoḷaigan, tobatú in nongkon kuḻit in domba koḷakian inta binoréan in nopura bo tobatú doman in nongkon kuḻit inta moaḷus.

IḶUAIAN 26:36

Pomiaaidon kon toḻipoi inta pakéon kon ḷoḻingkop in Ḷoḷaigan, pomia nongkon kaeng moaḷus inta sinuji takin kaeng wol nobidu, nokamumu bo nopura, iḷambáan in borénea mita.

IḶUAIAN 28:5

Pakeang tatua in musti pomiaan monia nongkon kaeng wol inta nobidu, nokamumu bo nopura, siningkoi buḷawan bo kaeng moaḷus. Koḻikud intua ḷambung Epod musti doman ḷambaan in gambar inta sujion.

AMSAL 31:22

Siabí tontaní in nomia kon ompat in taḷog; ḷambungnea in nongkon kaeng lenan nokamumu inta nopira totok.

YESAYA 3:23

ḷambung monipit, ḷambung linen, aḷuang bo koḷubung mobanat.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

YEHEZKIEL 16:18

Pinakéanmu in patong mita tatua in pakéan sinomboréan inta inogoi-Ku kon inimu. Pinosumbamu kon i monia in ḷana zaitun bo dupa inta inabatanmu nongkon i-Nakó.

YEHEZKIEL 16:7

Ginamá-Ku in tubig bo dinaritan in dugú kon awakmu. Iḻepoan-Ku in ḷana zaitun in kuḻitmu. Biniag-Ku in iko naonda bo pinomuḷa inta noḷumbá. Notoyong in kinoḷantudanmu, nosehat bo nopia in pinongongawak, bo nobaḻí mongodeaga. Tetému momangkoidon mobiag bo buokmu in noḷanggó, táe nopilang in iko. Kon dodai in Akuoi noitaḻib bui, inontong-Ku kon wakutumudon mononggaso. Pinoḷutudan-Ku in jubah-Ku in awakmu inta nopilang tua, bo dinandi-Ku kon ogoian-Ku in tabi-Ku in iko. Oo, sinogotan-Kudon in dodandian tonibuḷoi takinmu, bo iko in nobaḻídon Akuoi in kitogi. Akuoi, ki Tuhan Inta Totok in mokawasa ain nosingog.

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

YEHEZKIEL 27:16

Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

YEHEZKIEL 27:7

Ḻeag bo tomponuotmu in nongkon linen in Mesir, inta sinujian in noyagi-yagimai. Moaḷus totok in bahan mita in ḷoḷaiganmu, didit nongkon Siprus nokamumu in batangannea.

LUKAS 15:22

Táe ki amánea nogoiní kon simpaḷnea mita bo noguman, ‘Koḻikat! Podiaaipa mangoi kon ḷambung inta totok in nopira bo popopaké kon inia. Popopakéai doman in sising kon gongguyamúnea bo ḷutudai domandon in sapatu.

WAHYU 18:12

Diádon in motaḷui kon buḷawan, saḷaka, permata bo mutiara monia; kaeng moaḷus inta momahaḷ, kaeng nopars, kaeng sutra, bo kaeng inta nopura nogurang; bo norupa-rupamai in bahan inta nongkon kayu inta moḷawádon mouḻí, norupa-rupamaidon in bahan inta nongkon gading, norupa-rupamai domandon in bahan inta pinomia nongkon kayu momahaḷ, inta nongkon tambaga, nongkon uatoi, bo nongkon batu permata.

WAHYU 19:8

Pakeang moaḷus mobudó inta mopouḻi-uḻinag inogoidon kon i-Nia sin pakéon.” (Pakeang moaḷus tatua in oaidbí mita mopia inta pinomia in umat mita i Allah.)

WAHYU 21:2

Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.