YEHEZKIEL 15:6 - Alkitab Singog In Mongondow Masa In Tanaa

⁶ Tuamai ki Tuhan Inta Totok in moḷantud noguman, “Naonda bo pangkoi in anggur inta ginamá nongkon kayuon bo sinubá natua doman in pogogaid-Ku kon intau in Yerusalem!

YEHEZKIEL 15:6 Mawu Ofanana

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

YEHEZKIEL 15:2

“Ei intau ilo-ilow, onu in noiḻiu kon pangkoi in anggur nongkon kayu ibanea kon kayuon? Onu in noiḷontú kon pangkoi in anggur nongkon pangkoi mita in kayu mita kon kayuon?

YEHEZKIEL 15:4

Diábí in baragunanea koḻikudbí in pondungú. Bo aka mopokakdon in posipongkó, bo kon yuaknea in mobaḻídon buing, oyúonpa degá in baragunanea?

YEHEZKIEL 15:5

Diá bidon! Nodapotbí in kon dodai in diápa sinubá, yo diá bidon motaau pakéon. Apa doman aka tubáandon bo kinaandon in tuḷú!”

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”