YEHEZKIEL 14:7 - Alkitab Singog In Mongondow Masa In Tanaa

⁷ Pomuḷoi in intau in Israel andeka intau ango-angoi inta nogutun kon sigad in bangusa in Israel, inta iyumayú kon i-Nakó bo noposarakan in awaknea kon berhala, bodongka mopoigum in tonggina kon nabi tobatú, yo tubagan-Kubí tontaní.

YEHEZKIEL 14:7 Mawu Ofanana

IḶUAIAN 12:48

Intau inta diá sinoit diá motaau mokaan kon kaanon rame tatua. Aka intau ango-angoi inta ain nogutun notantú kon i monimu moibog moraya kon Paska sin mohoromat kon i-Nakó, ki Tuhan, yo bayongan in ḷoḷaki kon bonu in baḷoinea musti munapa toiton. Mopaḷut mako kon tua mosia inanggap ná intau Israel taakan, bo motaaudon tumakin kon poramean singgai moḷoben Paska.

IḶUAIAN 20:10

táe singgai inta nogimpitu in singgaibí pogogaian inta sinondí posumbaan kon i-Nakó. Kon singgai tatua diábí tobatúmai intau in motaau mogaid, pinomayá moiko, ande ki adímu mita, ande atamu mita, bobiagonmu mita ande intau ango-angoi inta nogutun kon butámu.

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

YEHEZKIEL 3:20

Aka intau inta mopia momangkoidon momia kon dosa, bo sia in potayow-Ku kon anib, dá sia in matoibí aka iko in diá mopotoingat kon inia. Sia in matoibí popisí in dosanea mita, bo aidnea mita inta mopia in diá bidon toropon-Ku. Táe totaau kon kinopatoiannea in moibaba kon inimu.

HOSEA 4:14

Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

HOSEA 4:5

Singgai doḷom in moiko mogaid kon moitaḷá, natua doman in nabi mita. Tuamai yopúon-Ku in Israel, ki inámu.

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

IMAMAT 16:29

Atorang mita tanaa musti umuran duduian dapot in adí bo ompu. Kon singgai noginpuḷú buḷan noginpitu, intau Israel bo intau ango-angoi inta nogutun kon sigad monia musti mopuasa bo imaḷowanpa in mogaid, sin singgai tanaa in singgai inta totok in motusi. Kon singgai tatua musti aidan in upacara pondaritan kon bangusa Israel nongkon bayongan dosa monia sinbá mosia modaritdon.

IMAMAT 20:2

mopotaau in naa kon bangusa Israel, “Bayongan intau kon sigad monimu ande intau ango-angoi inta nogutun kon sigad monimu inta mopokuruban in adínea kon i Molokh, musti ara bo in bayongan intau dapot in sia matoi.

IMAMAT 24:22

Hukum tatua popoaid kon i monimu komintan bo kon intau doman ango-angoi inta nogutun kon sigad monimu, sin Akuoi in ki Tuhan, Allahmu.”

PINOGIAPAN 15:15

Bayongan hukum bo atorang notongkaibí in kon i monimu bo kon intau mita ango-angoi inta nogutun kon sigad monimu, sin moiko bo mosia in notongkaibí kon tayowon i Tuhan. Bo tua in umuranbí pakéon.

PINOGIAPAN 15:29

Atorang tatua moipakébí kon i inekabí inta diá sinumuod nomia kon dosa, pinomayá sia tua intau in Israel andeka intau ango-angoi inta nogutun notantú kon sigad monia.

ULANGAN 29:19

Kon sigad monimu inta nokodongog kon tuntutan inta bo motogat tatua yo donaaidon oyúon in morai kon nasibnea tua in umuran tantú mopia, umpakabí in sia tumontogat dumudui kon daḷannea tontaní. Soaḷ tatua in mokoyopú kon i monimu komintan, intau mita inta moraat ande inta mopia.

YUDAS 1:19

Mosiadon naa in intau mita inta mokopomuká kon kogoguyaatan in pinonobatúan jamaat. Mosia in diá kinawasaan in Roho i Allah, táe kinawasaandon in ibog mita in dunia naa.