YEHEZKIEL 12:20 - Alkitab Singog In Mongondow Masa In Tanaa

²⁰ Kotá mita inta tanaa nopuḻing in intau in rimumudon bo gobá mita in tudunea in mobaḻídon ḷogat. Dá kotaauandon monia kon Akuoibí in ki Tuhan.”

YEHEZKIEL 12:20 Mawu Ofanana

YESAYA 24:12

Kotá ain norimumud totok, bo bonawangnea mita noumpag posiyayit.

YESAYA 24:3

Butá in moiraritdon bo rimumudon. Ki Tuhan ain noguman, bo tua in notantú bidon kon mobaḻí.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YEREMIA 16:9

Indongogai in onu in inta potaau-Ku, Tuhan Inta Totok in mokawasa, Allah in Israel in noguman kon inimu. Singog ḷunganga in gina bo pia in kamang takin rame in bobutungan ponikaan in pogogaion-Ku komintan. Tua in indoianbí mako in intau mita inta nobiag kon tungkuḷ in iko nobiag.

YEREMIA 19:11

Akuoi in mustibí moguman kon i monia kon ki Tuhan Inta Totok in mokawasa noguman nanaa, “Bangusa bo kotá tanaa in rimumudon-Kubí dá mobaḻí naonda bo kendi inta norimumud tatua inta diá bidon motaau tompiaan bui. Intau in moḷobongbí kon mayat mita monia kon Topet, sin diádon in poḷobongan ibanea.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEHEZKIEL 12:15

Kon tungkuḷ in mosia porariton-Ku kon yua-yuak in bangusa mita ibanea kon butá mita in intau, yo kotaauandon monia kon Akuoibí in ki Tuhan.

YEHEZKIEL 12:21

Ki Tuhan in noguman kon inakó

YEHEZKIEL 15:6

Tuamai ki Tuhan Inta Totok in moḷantud noguman, “Naonda bo pangkoi in anggur inta ginamá nongkon kayuon bo sinubá natua doman in pogogaid-Ku kon intau in Yerusalem!

YEHEZKIEL 15:8

Mosia in diábí motoindudui kon i-Nakó, tuamai, butá tatua in baḻíon-Ku moingongow. Akuoi ki Tuhan Inta Totok in moḷantud ain nosingog.”

YEHEZKIEL 5:14

Iko in mobaḻídon apug mita inta diá in baragunanea bo bangusa mita inta kon ḻibumumai in morebeg kon inimu; bayongan in intau inta moitaḻib in yumayúbí kon inimu.

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.