YEHEZKIEL 12:16 - Alkitab Singog In Mongondow Masa In Tanaa

¹⁶ Tongosilai moyakag kon i monia in posaḷamaton-Ku nongkon parang, nongkon malarat in kaanon, bo nongkon yampoi in takit, sinbá kon yua-yuak in bangusa mita ibanea tatua yo mosia in monotaaudon kon mosia in nogaidon kon inta totok in moromú. Dá akuondon monia kon Akuoibí in ki Tuhan.”

YEHEZKIEL 12:16 Mawu Ofanana

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

MAZMUR 59:12

Dikabí moḻimod kon i monia, o Tuhan, sinbá bangusaku diá mokoḻiong. Poraritdon bo upetdon in mosia podoyon kon kawasa-Mu, o Tuhan mogogoḻingoi nami.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:19

Pangkoi mita in kayu in dongka bidon topiḻik, dá mongoadí in mokoiap bidon kon tua.

YESAYA 10:22

Umpaka intau in Israel tanaa notongkai in kobayongnea in bungaion kon dagat, tongábí tongonumai in mobui mangoi. Hukuman i Tuhan in nodiugdon, bo totuu kon patusbí bo moadil in bangusa tatua in yopúon.

YESAYA 24:13

Tuata in mobaḻí kon sinangkub in dunia kon batúan in bangusa. Notongkai ná kon sempo in posipunan kon bungai in boyó, kon dodai in bungai in zaitun ginamá nodapot in nodait bo bungai in anggur inta imbuitnea sinipú nongkon pangkoinea.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEHEZKIEL 12:15

Kon tungkuḷ in mosia porariton-Ku kon yua-yuak in bangusa mita ibanea kon butá mita in intau, yo kotaauandon monia kon Akuoibí in ki Tuhan.

YEHEZKIEL 12:17

Ki Tuhan in noguman kon inakó,

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 36:20

Kon ondakabí in bayáan monia, mosia in umuranbí mopokotormai kon tangoi-Ku inta motusi. Sin intau mita in noguman nanaa, ‘Bangusa tanaa in umat i Allah, táe mosia in mustibí monaḷámai kon butá inta inogoi i Allah kon i monia.’

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

YEHEZKIEL 7:15

Kon daḷan mita in kotá oyúon in parang, kon baḷo-baḷoiannea oyúon in yampoi in takit bo malarat in gogoy. Ki inekabí in kon ḷuai in kotá yo matoibí kon bonu in parang, bo inta mogutun mako kon bonu in kotá in matoibí in takit bo gogoy.

MATIUS 24:22

Bo aka kuma bo wakutunea naa bo diá impoḷokan; yo kon bayongan inta nobiag diábí in mosaḷamat. Tongá popisí in intau mita inta sinokopiḻídon dá wakutu tatua inimpoḷokandon.

MATIUS 7:14

Táe daḷan inta mopobayá in tampat inta mokobiag in nointok bo tongá topiḻik in intau inta mokodapot kon tua.”

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;