YEHEZKIEL 1:26 - Alkitab Singog In Mongondow Masa In Tanaa

²⁶ Kon tudu in kubah tatua oyúon in ná batangan in ḷoḻitúan pomomarentaan nongkon batu in nilam, bo kon tudunea iḻimitú inta koontongan ná intau.

YEHEZKIEL 1:26 Mawu Ofanana

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

MAZMUR 45:6

Piotmu inta moḷanit moiḷambai kon putú in musungmu, bangusa mita in moḷabú kon tayowon in sioḷmu.

IḶUAIAN 24:10

bo mosia in nokoontong kon i Allah Israel sinimindog kon tudu in barang inta koontongan naonda bo taḷog inta pinomia nongkon batu nilam, bo nobidu naonda bo ḷangit inta motarang.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.

YEHEZKIEL 1:22

Kon tudu in uḷu in mahaḷuk mita tatua noibuká in naonda bo kubah nongkon kristal inta mopouḻi-uḻinag.

YEHEZKIEL 1:5

Kon yua-yuak in goḷom tatua, inontongku in kerub opat tuata in mahaḷuk nobiag inta ná batangan in intau,

YEHEZKIEL 10:1

Bo akuoi in inimindoi kon kubah inta kon ḻimonikanmai in uḷu in kerub mita tua, bo oyúon doman in inontongku inta naonda bo ḷoḻitúan pomomarentaan nongkon batu nilam.

YEHEZKIEL 43:6

Kon dodai in ḷoḷaki tatua sinimindogpa mako kon diugkumai, dinongogku in ki Tuhan in noguman kon inakó nongkon bonu in Baḷoi Tuhan, kai-Nia,

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.

YEHEZKIEL 8:2

Iḷumangag in akuoi bo inontongku in ná batangan in intau. Nongkon ogotannea bo namonag koontongan sia in ná tuḷú, bo nongkon ogotannea bo namonik in koontongan mopouḻi-uḻinag naonda bo porunggu inta inatá.

DANIEL 10:18

Dá komintanpa doman sia in noḻiai kon inakó, bo kinorasaanku kon nodugangdon in ropotku.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

ZAKHARIA 6:13

Siabí tua inta bain moposindog in Baḷoi-Ku bo motarima kon kahoromatan naonda bo datu tobatú, bo sia in momarenta kon rayatnea. Imang tobatú in umapidbí kon inia bo mosia in mogaidon moyotakin takin pia-pia mako.’

MATIUS 25:13

Bo pangabisannea ki Yesus in noguman, “Manangka intua umuran kiḷuka-ḷukadmai, sin diábí kotaauan monimu in singgai bo wakutunea.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

IBRANI 1:8

Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.

WAHYU 1:13

Kon yua-yuak in sioḷ mita pototuduan kon togá tatua, inontongku in naonda bo intau. Sia in nogi jubah moḷanggó noidapot in sioḷ. Kon dodob-Nea oyúon in oḻingoi in dodob inta pinomia nongkon buḷawan.

WAHYU 14:14

Noiduduimai kon tua, akuoi nokoontong kon tobatú goḷom mobudó. Kon tudu in goḷom tatua oyúon in tobatú intau iḻimitú naonda bo intau. Sia in nogi bandow in mahkota buḷawan bo kokada-kadai in sabit inta moḷanit.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”