YAKOBUS 1:15 - Alkitab Singog In Mongondow Masa In Tanaa

¹⁵ Moiduduimai kon tua, aka ibog inta moraat tatua bo duduian, dá mobaḻídon in oaid inta diá mopia; bo aka aid diá mopia tatua bo moguyangdon, dá popatoi in bungainea.

YAKOBUS 1:15 Mawu Ofanana

KINOBAḺIAN 2:17

koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

SAMUEL 2 11:4

Binayá pinoki gamá i Daud in bobay tatua, bo naonda in sia namangoi in komaḻig, ki Daud nosiug takinnea. (Batsyeba bagupabí nogaid kon upacara pinondaritan naonda in nopaḷut inangoinea). Bo nobuidon in sia kon baḷoinea.

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

AMSAL 11:19

Ki ine in umuran mosatia mogaid kon inta mopia, in mokouḻíbí kon kobiagan mosanang; ki ine in diá umukat kon aid moraat yo mopobayá in popatoi.

YESAYA 33:11

Tomayámu diá in mangaḻenea, bo bayongan inta pomiaanmu diá in baragunanea. Torúmu in naonda bo tuḷú inta momokak kon inimu tontaní.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

MATIUS 26:14

Noiduduimai kon tua, murí i Yesus tobatú inta kon sigad in murí-Nea mita mopuḷú bodoyowá, inta ki Yudas Iskariot, minayá kon imang mita itoi.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

YAKOBUS 1:14

Táe intau mita tanaa in kinogodaanbí in ibognea tontaní inta moraat.

YAKOBUS 1:18

Ibog-Neabí tontaní in nopobaḻí kon i naton ki adí-Nea mita pinongin Pirman-Nea inta nobanar. Tua komintan in pinomia-Nea sinbá kita in mokouḻí kon tampat inta moponting kon sigad in bayongan mahaḷuk inta pinomia-Nea.