WAHYU 9:2 - Alkitab Singog In Mongondow Masa In Tanaa

² Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.

WAHYU 9:2 Mawu Ofanana

KINOBAḺIAN 15:17

Naonda in nodoḷomdon, indoianmai yo daḻíbí inontong in tuḷú popoyokan takin poḷombow inta koyongki-yongkit, bo sinumaḻib kon tapú mita inta ain iḷosi-ḷosi tatua.

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

IḶUAIAN 19:18

Buḷud in Sinai tatua komintandon kinokoḷoban in poyok, sin ki Tuhan noponag kon tudunea kon bonu in tuḷú. Poyok tatua nodondon naonda bo poyok pinonuruban, bo bayongan buḷud nodandú totok in noropot.

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

DANIEL 3:6

Ki ine in doí dumudui kon parenta tanaa, yo baḷúdon pogonag kon tuḷú inta koyogot in modokot.”

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YOËL 2:30

Kon ḷangit bo kon butá mobayong in aidan-Mu in inta mokoherang. Moḷoḻimodan, dokot in tuḷú bo kapungan in poyok.

OUMAN IN RASUL MITA 2:19

Bo Akuoi in mogaid kon oaidan mita inta totok in mokoherang kon ḷangit, bo tanda mita kon butá naa; bo oyúonbí in dugú bo tuḷu bo poyok mobunod.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 16:10

Bo malaekat iḻimanea in nopobutak doman bonu in palonea kon tampat pomomarentaan in mahaḷuk tatua. Dá bayongan dodatuan in mahaḷuk tatua in sinimindip. Bo popisí in moiḻiudon totok in nakitea, dá mosia in moikaḷut kon dilá.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 9:1

Bo malaekat iḻimanea in nogirup kon torompetnea, bo akuoi in nokoontong kon tobatú tundi noḷabú nongkon ḷangit. Tundi tatua inogoian kokunsi in irang popatoi.

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).

WAHYU 9:17

Bo inontongku doman kon bonu in oontongon tatua in kabaḷo mita takin intau mita inta sinumakoi. Intau mita inta sinumakoi kon kabaḷo tatua in nogiḷambung in ḷambung uatoi inta ná kopura in tuḷu in batangannea, nobidu ná batu nilam bo nodarag ná balerang. Uḷu in kabaḷo mita tatua in naonda bo uḷu in singa, bo nongkon bibignea ḷumuai in tuḷu, poyok bo balerang.