ULANGAN 9:7 - Alkitab Singog In Mongondow Masa In Tanaa

⁷ Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

ULANGAN 9:7 Mawu Ofanana

IḶUAIAN 14:10

Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 16:2

Kon padang gurun tatua nongunsingogdon in mosia komintan kon i Musa bo kon i Harun.

IḶUAIAN 17:2

Bo nongunsingog in mosia kon i Musa takin noguman, “Ogoiaidon kami in tubig inumon.” Ki Musa notubag, “Nongonu sin moiko in mongunsingogbí bo monungkuḷ kon i Tuhan?”

IḶUAIAN 23:21

Indoiai bo duduiai in sia. Dika ḷumoḷatú kon inia sin totabá-Ku in sia, bo diábí in sia mongampung kon aidmu inta moitaḷá.

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 32:30

Pinangkoipamai kon kinobobiag monia, intau in Israel bo intau in Yohuda ain nogaid kon inta diá nokopia kon gina. Mosia in nopomuká in torú-Ku pinongin aid mita monia inta moraat.

YEREMIA 44:9

Degá kinoḻiongandon monimu in bayongan aid moraat inta inaidan in mogoguyangmu kon butá in Yohuda bo kon daḷan mita kon kotá in Yerusalem, in datu mita in Yohuda bo i buḷoi mita monia, bo moiko doman takin ki buḷoi monimu mita?

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:43

Kon tua kotoropandon monimu in bayongan in oaid inta mokorongó inta ain nokonajis kon awakmu. Dá morongódon in moiko in mokotorop kon bayongan inta nobaḻí tatua.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

PINOGIAPAN 17:10

Onda intua ki Tuhan noguman kon i Musa, “Ukatdon bui in tungkud i Harun kon tayowon in Poti Dodandian. Tungkud tatua musti tagúon mobaḻí tompoingat kon bangusa in Israel inta moibog momarontak tatua kon matoibí in mosia aka mosia umuran mongunsingog.”

PINOGIAPAN 21:5

bo nongunsingogdon kon i Allah bo kon i Musa. Mosia noguman, “Nongonu sin diniamubí in kami iḻumuai nongkon Mesir? Eta degá makusud moḻimod kon inami kon padang gurun tanaa? Kon naa in diábí in kaanon, bo diá doman in tubig. Motompokdon in kami mokaan kon kaanon ḻiaw nanaa!”

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

KORINTUS 1 15:9

Sin akuoibí naa in rasul inta totok in mohina kon sigad in bayongan rasul, sin akuoi in nomogutú kon bayongan jamaat i Allah.

EPESUS 2:11

Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

ULANGAN 9:24

Pinangkoipamai kon kinotaauanku in moiko, moiko umuran moḷawang kon i Tuhan.

ULANGAN 9:4

Naonda in ki Tuhan Allahmu mopoguntun kon i monia kon tayowonmu, dikabí morai kon moiko in dinia-Nea minayá intua sin pobogoian kon butá tatua popisí in moiko mopia bo nogaidon kon onu in kinoibog i Tuhan Allahmu dá patusdon in moiko motarima kon tua. Deemanbí natua! Ki Tuhan nopoguntun kon bangusa mita tatua kon tayowonmu sin moraat in mosia. Pinomayá mako i Tuhan in moiko mogamá kon butá monia, sin Sia moibog mogintompod kon dandi-Nea kon mogoguyangmu ki Abraham, ki Ishak bo ki Yakub.