ULANGAN 9:22 - Alkitab Singog In Mongondow Masa In Tanaa

²² Ná doman tua in kon Tabera, kon Masa bo kon Kibrot-Taawa, moiko nokopomukádon in torú i Tuhan.

ULANGAN 9:22 Mawu Ofanana

MAZMUR 78:17

Táe mosia in umuranbí nogaid kon dosa kon tayowon i Allah, kon rawang nomarontak in mosia kon i Inta Totok in moḷantud.

IḶUAIAN 17:2

Bo nongunsingog in mosia kon i Musa takin noguman, “Ogoiaidon kami in tubig inumon.” Ki Musa notubag, “Nongonu sin moiko in mongunsingogbí bo monungkuḷ kon i Tuhan?”

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

PINOGIAPAN 11:34

Dá tampat tatua sinangoian “Pinoḷobongan sin Turá”. sin kon tua in pinoḷobongan kon intau mita inta turá.

PINOGIAPAN 16:46

bo ki Musa noguman kon i Harun, “Gamápa in tampat in tuḷúmu, bonuaidon in baga in tuḷú nongkon mezbah bo tududon in dupa tatua. Ḷagidon diá intua kon umat bo pomiadon kon upacara pongampungan kon dosa kon i monia. Koḻikat! Torú i Tuhan moḷobendon totok bo yampoi momangkoidon.”

ULANGAN 33:8

Bo kon suku i Lewi ki Musa in noguman: “Takin Urim bo Tumim pinoniata-Mu in ibog-Mu, pinongin intau in Lewi, mogogundoi-Mu inta mosatia. Iko nonungkuḷdon kon i monia kon Masa, bo nobobayowan monia kon bokaká in Meriba.