ULANGAN 9:19 - Alkitab Singog In Mongondow Masa In Tanaa

¹⁹ Akuoi moondok kon torú i Tuhan inta modoko-dokot kon i monimu dá ibogon-Nea in moiko yopúondon, táe kon naa ki Tuhan buipa doman noibog nokidongog kon oigumku.

ULANGAN 9:19 Mawu Ofanana

MAZMUR 106:19

Kon Buḷud in Sinai mosia in nomia kon ki adí in sapi nongkon buḷawan, bo nosumba kon patong inta pinomia monia tatua.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

MAZMUR 78:59

Nokoontongmai kon tua, ki Allah in sinumorú totok, bo nondoídon mako natua kon i monia.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

IḶUAIAN 33:17

Guman i Tuhan kon i Musa, “Onu in pinoigummu tatua duduian-Ku, sin kinotaauan-Ku in Iko bo kinoibog-Ku doman in iko.”

IḶUAIAN 34:10

Ki Tuhan noguman kon i Musa, “Tanaa mako Akuoi momiadon kon dodandian takin bangusa Israel. Kon tayowon mata monia Akuoi mogaid kon inta mokoherang mita inta diápa dodai onda inaidan kon sigad in bangusa inta kon ondaka in kon dunia naa. Bayongan bangusa in mokoontong kon soaḷ mita mokoherang inta pomiaan-Ku, sin Akuoi, ki Tuhan in momiabí kon tobatú oaidan inta motoyang kon i monimu.

PINOGIAPAN 11:2

Intau mita tatua nomaḷú mokituḷung kon i Musa. Bo ki Musa nosambayang kon i Tuhan, dá nopiongdon in tuḷú tatua.

ULANGAN 10:10

“Opat nopuḷú nosinggai bo opat nopuḷú nogobii akuoi nogutun kon tudu in buḷud ná inta inaidanku muna. Komintanpa doman inindongogan i Tuhan in oigumku, bo inóoan-Nea kon diádon moyopú kon i monimu.

ULANGAN 11:17

Aka moiko ḻimimpat kon parenta mita tatua, ki Tuhan tumorú kon inimu. Diábí poonag-Nea in uyan; bo butámu in moingkagdon totok modapot in pinomuḷamu diá momungai. Dá diá moonggot bo matoi in moiko kon butá inta mopia inta inogoi i Tuhan kon inimu.

ULANGAN 9:20

Ki Tuhan sinumorú doman totok kon i Harun nodapot in moibogdon in Sia moḻimod kon inia, dá akuoi nosambayang doman kon inia.

ULANGAN 9:8

Ondapa doman inta kon Buḷud in Sinai pinoyaat totok monimu in gina i Tuhan, nodapot in Sia moyopúdon kon i monimu.

IBRANI 12:21

Inta inontong in intau mita Israel tua in mokoondok totok dapot in ki Musa nosingog nanaa: “Moondok bo mouyot in akuoi!”